Friday, August 31, 2007

موهبتك هى حياتك

البوست دابهديه لواحد واكيد هيعرف نفسه
ازاى تعرف موهبتك عارفين فى ناس كتيره بتكبر من غير متعرف هى موهوبة فى اية مع انها لو عرفتها هتحقق فيها نجاح كبير
طب تعمل ايه لو كبرت من غير ما تعرف موهبتك ؟
عارفين تعملوا ايه تجرب كل حاجة الرسم الموسيقى بكل انواعها الرياضة بكل ما فيها
!طب وهتقولولى هو احنا فاضين
لا عمر الموهبة مابتعطل الانسان عن اى حاجة بالعكس دى بتنمى مراكز الاحساس وبتنشط الذاكرة بدرجات متفاوتة وبتخلى الانسان يحس بانة ليه كيان
وبعدين الانسان بيبقى محتاج يعمل حاجة تحسسه بذاتة فى وقت فراغة
وفى ناس بتعتمد على موهبتها وبتبقى مصدر رزقها زى الرسام او لعيب الكرة
وفى ناس بتخلى الموهبة وقت جميل بتقضيه علشان تفرغ طافتها فى حاجة مفيدة
وعلى فكرة الموهبة بتعبر عن شخصية الانسان وحالتة المزاجية
وكمان الانسان لما بينفذ الطاقة الداخلية سواء من فرح او كبت او حزن او رأى ده بيخليه فى ارتياح
طب تعالو معاية نقول ازاى الواحد ينمى موهبته بعد ما عرفها فمثلا
1- عندنا الرسم
الرسم دة فن جميل وراقى ومحتاج احساس وخيال
كمان بيحتاج ادراك بالواقع
طب لو انت بتحب الرسم اوى بس نفسك تنمى نفسك
*حاول تمرن نفسك*
*هات رسومات مرسومة وحاول تستشف منها الى عجبك واعمل زيه*
*حاول تسرح بخيالك*
*عبر على الى جواك فى لوحة وكأنك بترسم واقع عايشة*
*حاول تتعلم من حد انت معجب بفنه*
2-الكتابة
الكتابة دة فن جميل ليه شفافيه واحساس خاص يمكن الكتابة من اكتر انواع الفن الى بيعبر عن كيان الانسان وشخصيتة الدفينة واسرع انواع الفن الى بيوصل لقلب الانسان المتلقى علشان كدة من اخطر انواع الفن لازم الانسان قبل ما يكتب حاجة يكون واثق انها هتفيد كمان يكون واثق انها على قدر كبير من الصحة
الكتابة بتحتاج من الانسان انة يحس ويشعر بمشاكل عصرة كمان بتحتاج ان الانسان يكون على قدر كبير من الثقافة والخبرة بأمور الحياة
عايز تكتب
*اقرأكتير *
*عبر عن رأيك بصراحة*
*افهم المشكلات التى تدور خلال محيط عالمك*
*ثقف نفسك اتفرج على برامج مفيدة بتعرض مواضيع هادفة*
3-الرياضة
الرياضة مش موهبة وبس لاء كل انسان مننا محتاج للرياضة حتى الرسام او الكاتب او اى انسان
الرياضة بتساعد الانسان على تنظيم كل خلايا واعضاء جسمك انها تقوم بوظفيتها
وبكدة هتسعدة كتير على انه ينمى فكرة لاستقبال اى ابداع او وقائع بشكل عقلانى ومنظم
عايز تمارس رياضة معينة
*اتمرن كتير*
*اقرى عن رياضتك*
*اسمع لاى تعليمات تفيدك على التفوق فيها*
* طب عايزين تنموا اى موهبة *
*صمم انك تتفوق فيها*
*اتحدى طاقتك الى جواك*
*حدد هدفك شوف انت عايز توصل لايه ولفين*
*اقرى عنها اعرف اكتر واكتر*
*حدد وقت واعرف انت اتقدمت قد ايه فى تنمية موهبتك*
*اختبر نفسك*
على فكرة مش من الغلط ان الانسان يكون لديه اكتر من موهبةالمهم انه يعرف ازاى يوفق بينهم

16 التعليقات:

ازيك ياحمد
مبروك شفت موضوعك فى الدستور
البوست جميل ولازم فعلا كل واحد يدور على موهبته بس انا حاسة كده ان موهبتى هتطلع غريبة كده ومعرفهاش حاجة جديدة بس لسه مكتشفتهاش
لان الحاجات دى جربتها وطلعت مش موهوبة فيها
سؤال هو الموضوع ده بتهديه لواحد ولا لواحدة

كلام جميل لازم كل واحد يعرف موهبته ويعرف هو يقدر يعمل ايه عشان ينجح فى حياته

الله يبارك فيكى ياياسمين
وعلى العموم
انا بهدى الموضوع لواحدة

ويارب تكتشفى موهبتك يارب

شكرا رونا
على مرورك
وزى ماانتى قلتى لازم كل واحد يعرف موهبته
عشان يقدر ينجح

بعد السلام عليكم

يعني مش بس كلامك جميل .. لا ده كمان هادف

و الله عندك حق في كلامك الهايل ده .. و كان سبق أني قولت كلام زي ده

قولت لو الواحد شعر أنه عنده موهبة .. و ما مارسهاش و لا أتمرن عليها .. و ركنها علي الرف .. بعد فترة الضمور هيصيب الموهبة دي .. و ممكن كمان تبدأ تتلاشي

تحياتي يابطل

قولت لو الواحد شعر أنه عنده موهبة .. و ما مارسهاش و لا أتمرن عليها .. و ركنها علي الرف .. بعد فترة الضمور هيصيب الموهبة دي .. و ممكن كمان تبدأ تتلاشي


بجد تسلم على مرورك
والكلمتين الحلوين جدا دول
تسللم ياابو صلاح

كلام تمام
أصعب حاجة على الانسان انه يكون عنده موهبة ودافنها جواه..من غير ما يحاول يمارسها
بجد احساس مؤلم جداااااا
اولا شوية شوية هاتدبل الموهبة
ثانيا..هاتتخنق جواه معاني جميلة كتير
مستحيل يلاقيها تاني
الموهبة دي هدية من ربنا
ازاي نسيبها؟

صح
ازاى نسيبها
لازم نستثمرها صح
عشان نجنى ثمارها فى الاخر
شكرا على المرور

انا اول مره ازور مدونتك و اعجبتني فعلا و الموضوع الذي كتبته فعلا ممتاز لان لانسان المفروض لا تتم انسانيته لال باكتشاف ملكاته و قدراته حتي يتمكن من العيش و يفيد العالم بها
انا مثلا محب جدا للقراءه و ايضا الرسم و اعمل مدرس للتربيه الفنيه و لي اعمال احبها جدا قد اعرضها في معرض شامل علي مدونتي الثانيه حينما انتهي منها كلها
تحياتي لك و موضعك الرائع

صباح الفوانيس
كلامك صح يا أحمد
عارف علماء النفس يؤكدوا ان الموهبة التي تهمل منذ الصغر بتندثر وتموت
لازم تنمية الموهبة
عشان تكبر معاك
المواهب نعمة من عند ربنا
ربنا يقدر كل واحد ويحافظ على مواهبه ..
وانت موهوب
ربنا يقدرك ويقدرنا ننفع الناس بمواهبنا
:)..
تحياتي

ذو النون المصرى شاكرين
مرورك الكريم دا
وان شاء الله لما تعرض اعمالك هشوفها اكيد

هوة انتى يامروة
بتشتغلى دكتورة نفسية
وشكرا على البوقين الحلوين دول

وشكرا على مرورك

أبو حميد

صباح الفل

البوست جامد جامد جامد
وهضل اول جامد دي لغاية يوم الجمعة الجاي قبل الصلاة لان بعد الصلاة مش فاضي دا انت طلعت عفريت ياواد
فعلا كل واحد لازم يدور علي موهبتة
لانها ممكن تبقي مصدر رزقة الاساسي بعدين

لا بجد الموضوع شديد

ياعبد الرحمن
الكلام دا كله
انا مش قد كدا ياعم الحاج
تسلم ياباشا

موضوع كويس جدا ويرات كل واحد زهقان يدور على الموهبة بتاعتة اكيد مش حيكتشفها بسرعة بس ععلى الاقل حيكتشفها ويضيع فيها زهقة

انا موهبتى الرسم و اى حد يشوف رسمى يقول بسم الله ما شاء الله غير الحدادين عندى12 سنة و محدش بيهتم بيا فى الرسم

Post a Comment

شوف انت عاوز تقول ايه

Twitter Delicious Facebook Digg Stumbleupon Favorites More