كــــــــــن مـــع الثــــوره

أبـــتــديــنــا يـــوم .. 25 .. يــاتــرى هــنــكــمــل.

انـــا مــصــرى انـــا حـــــر

وشرفك يا بلدى لتبقى يا بلدى حياتك هيا عمرى وقدرك هوا قدرى حرية على طول الزمان حب حب وسلام فى أى مكان ؟؟.

ثــــــورتـــــنـــا ســـلــمــيــه

وشرفك يا بلدى سحابة وتعدى وبرضة أنتى بلدى مهما عملوا يا بلدى فيكى أحنا ليكى احنا بيكى دا أحنا ياما خدنا منك ... فيها أية لو يوم نديكى .

ثـــــــورة شـــعب ... ســـلـــطـــة شــــعب

فــــى انـــتـــظار 25 يـــنايـــر 2012.

مــــيــدان التـــحـــرير

هـــــنا اتـــــولــــد حــــلــــمــــنــــا.

Friday, September 28, 2007

copyلاتندم على حب عشته حتى لو صارت ذكراه تلمك

النهاردة حاجة جديدة كدا حاجة فيها نوع من الرومانسية
حاجة بتتكلم على الحب وسنينه
قلنا نغير من القرف دا سياسة وهرتلة وتهييس قلنا نغير شوية

لاتندم على حب عشته...حتى ولو صارت ذكرى تؤلمك...فإذا كانت الزهور قد جفت وضاع عبيرها ولم يبقى منها غير الأشواك فلا تنسى انها منحتك عطراً جميلاً أسعدك... لا تكسر ابداً كل الجسور مع من تحب...فربما شاءت الأقدار لكما يوماً لقاء يوماً آخر يعيد مامضى ويصل مانقطع...فإذا كان العمر الجميل قد رحل...فمن يدري ربما انتظرك عمر أجمل... وإذا قررت يوما أن تترك حبيباً فلا تترك له جرحاً فمن اعطانا قلباً لايستحق ابداً منا ان نغرس فيه سهماً او نترك له لحظه الم تشقيه...وما أجمل أن تبقى بيننا لحظات الزمن الجميل...وإذا فرقت الايام بينكما فلا تتذكر لمن كنت تحب غير كل احساس صادق...ولاتتحدث عنه إلا بكل ماهو رائع ونبيل...فقد اعطاك قلباً...واعطيته عمر وليس هناك اغلى من القلب والعمر في حياة الانسان...واذا جلست يوماً وحيداً تحاول ان تجمع حولك ظلال ايام جميلة عشتها مع من تحب، اترك بعيداً كل مشاعر الالم والوحشة التي فرقت بينكما...حاول ان تجمع في دفاتر ك كل الكلمات الجميله التي سمعتها ممن تحب...وكل الكلمات الصادقة التي قلتها لمن تحب...واجعل في ايامك مجموعة من الصور الجميلة لهذا الانسان الذي سكن قلبك يوماً...ملامحه...وبريق عينيه الحزين...وابتسامته في لحظة صفاء...ووحشته في لحظه ضيق...والامل الذي كبر بينكما يوماً...وترعرع حتى وإن كان قد ذبل ومات... إذا سألوك يوماً عن انسان احببته فلا تقل سراً كان بينكما...ولا تحاول ابداً تشويه الصورةالجميلة لهذا الانسان الذي احببته اجعل من قلبك مخبأ سرياً لكل اسراره وحكاياته فالحب اخلاققبل ان يكون مشاعر... وإذا شاءت الأقدار واجتمع الشمل يوماً فلا تبدأ بالعتاب والهجاء والشجن وحاول أن تتذكر آخر لحظه حب بينكما لكي تصل الماضي بالحاضر ولا تفتش عن اشياء مضت لان الذي ضاع ...ضاع...والحاضر اهم كثيراً من الماضي...ولحظة اللقاء اجمل بكثير من ذكريات وداع موحش... واذا اجتمع الشمل مرة آخرى...حاول أن تتجنب اخطاء الامس التي فرقت بينكمالأن الأنسان لابد أن يستفيد من تجاربه...ولاتحاول ابداً تصفي حسابات أو تثأر من انسان اعطيته قلبك...لأن تصفية الحسابات عملة رخيصة في سوق المعاملات العاطفية ، والثأر ليس من اخلاق العشاق...ومن الخطا أن تعرض مشاعرك في الاسواق وأن تكون فارساً بلا اخلاق...واذا كان ولا بد من الفراق فلا تترك للصلح باباً الا مضيت فيه... اذا اكتشفت ان كل الابواب مغلقة...وأن الرجاء لا أمل فيه...وأن من أحببت يوماً أغلق مفاتيح قلبه...والقاها في سراديب النسيان...هنا فقط اقولك : إن كرامتك اهم كثيراً من قلبك الجريح...حتى وإن غطت دماؤه سماء هذا الكون الفسيح...فلن يفيدك أن تنادي حبيباً لايسمعك...وأن تسكن بيتاً لم يعد يعرفك أحد فيه...وأن تعيش على ذكرى انسان فرط فيك بلا سبب... في الحب لا تفرط فيمن يشتريك...ولاتشتري من باعك ...ولاتحزن عليه

Tuesday, September 25, 2007

لماذا جعلت الهموم والاحزان تمرمط فى سيادتكcopy


لماذا جعلت الهموم والأحزان تتجرأ على إنزال دمعتك؟؟
؟إعلم أنك إنسان من حقك أن تبتسم ومن حقك أيضاًأن تظل عيناك جافة من دموع أنزلتها دنيا حقيرة
وغربة بالرحمة فقيرة...
*لماذا جعلت الهموم والأحزان تتجرأ على إنزال دمعتك في زمن أنت أحوج فيه إلى القوة ..؟
*لماذا جعلتها تمسح ابتسامة تصبح رمزاً لك للتفاؤل والأمل ابتسامة تبين أنك مازلت سعيداً رغم قسوة الدنيا ومن فيها..؟
*لماذا لاتجعل الأحزان والهموم تبكي من جبروت ابتسامتك وكبرياء أملك لأنها لم تجد إلى قلبك مدخل..؟
لماذا أنت حزين..؟ لاتقول لأني غريب وأظل أنادي ولكن لا مجيب فقلي كيف لا أكون كئيب
سأقول لك لاتتعجل لديك لسان ويدان ورجلان تستطيع أن تكسب بهم أفضل الخلان ولكن اكتفيت بالأنطواء والعزلة
حتى صرت في صفحة النسيان... هي الدنيا لاتحمل هماً فيها لأنك...
علمت أن الدنيا دار فناء
فلماذا تجعلها تتجبر عليك وهي أحقر ما رأيت إن كنت تعلم أنك سترحل منها فلماذا لاتجعلها ذكرى جميلة لك تتسلى بها
ولاتجعلها طعنة كبيرة تتألم منها...؟ مهما اشتد الظلام فشمعة واحده كفيلة بأن تبدد كل هذا الظلام...
ومهما طال الليل فدقيقة واحدة من فجر كفيلة بأن تنسيك كل هذا الليل... ومهما طال الحر والجفاء فرشفة من ماء بئر عذب
كفيلة بأن تنسيك ماكان فيك من عطش... وإن ظللت تسير في طريق مليء بالشوك والجفاء والحرارة إذا رأيت واحة مليئة بالورود سوف تنسيك الأشواك وإن رأيت بحيرة ماء سوف تنسيك ماكان من جفاء وإن جلست تحت ظل شجرة سوف تنسيك ماكان من حرارة...
تخيل ان هذه الدنيا ...طريق فامشي فيه واجعل التفاؤل مائك كي لاتشعر بالعطش والامل عصاتك كي لاتتعب من طول المسير
والابتسامة ظلك كي لاتتأذى من حرارة الشمس ... فابتسم فأنت أولى بها كي تسير في دنيا الغربة وأنت شامخ
ورافع رأسك وإلا فسلام على قلبك عندها ستكون جسد بلا روح ورائحة الحزن منك تفوح وستبقى مثقل بالجروح
عندها ستموت كل الورود التي في قلبك فلا تحزن ولاتيأس... لاتجعل آهاتك في قلبك
قلها أخرجها هيا قم ابحث لك عن من يضمد جروحك ويمسح دموعك ابحث عمن تلجاء إلى قلبه
ابحث عمن تخرج كلاماته بكل دفئ وحنان ..ابحث عمن ستجده عون لك ...لاعليك..
هيا فهو موجود وقد ينتظرك وانظر إلى الطريق المؤدي إليه واعلم بأنك بسعادتك سترى الأيام تسرع بك إلى مبتغاك
وبحزنك سترى الأيام تمشي وكأنها تخالف هواك... واعلم بأنه سيبقى إلى جانبك ...
فهذا عهدك به ...وعهده بك فماذا وجد من فقد الله..وماذا فقد من وجد الله.....

Friday, September 21, 2007

تاج ولااى تاج من ابو صلاح




تاج من الباشا ابو صلاح على الصبح كدا

وهاجاوبه

برغم ان انا بعتله تاج على الميل من زمان وماجاوبش عليه


لو قالولك اختار عصر من عصور مصرعلشان تعيش فيه تختار اى عصر و فى عهد اى حاكم .. واشمعنى؟

انا كان نفسى احضر عصور زمان الناس اللى كانت بتقدر الادب دى وتحترمه عصر من

عصور ازدهار مصر

ايام قطز او صلاح الدين

لانهم بجد كانوا عادلين فى كل شىء


اول اولويه فى حياتك عيلتك ولا شغلك ولا اصحابك؟

الاولوية لعيلتى طبعا لانها اللى انشأت شخص

عشان يشتغل الشغل دا

ويتعرف على الاصحاب دول


ايه اكتر حاجه بتحبها فى رمضان؟

التجمع بتاع العيلة بنتجمع على طول

وبتكون حاجة جميلة جدا غير كد

بحب الناس وهما فى رمضان بيكون كدا كل واحد فى حاله بيعبد ربنا

والمساج مليانه ناس كدا

ولا صلاة التراويح اللى حكاية


اوصف ليا اجمل فطار ممكن تفطره

اجمل فطار ممكن افطره لما

يكون فى اللمة

مهما كانت اللمة

صحبه

اهل اى حد اصلها بتكون حلوة قوى

مش مهم بقا بناكل ايه


لو انت حاكم على مجموعه من الافراد هتكون عادل؟؟ طب هتعمل ايه عشان تتأكد انك حاكم عادل؟

هوة مفيش حد يقدر يحكم على نفسه انه عادل ولا لا

الناس اللى حواليه هما اللى يحكموا

وهقول زى ماانت قلت اللى شاف الظلم وجربه

عمره ماهيظلم ابدا

والدوة المظلوم لاترد


اللى بيبوظ الحكام .. نفسهم؟ ولا الشعب؟ ولا الحاشيه المقربه؟

مش فى كل الاحوال بيكون الحاكم او الشعب او الحاشية

بس لو الحاكم عنه استعداد للظلم اكيد هيظلم

اما الشعب بيكون السبب منه لما يسكت على الظلم دا

اما بقا الحاشية هيا دى السبب فى كل حاجة يعنى

جمال عبد الناصر كان مية مية بس الحاشية بتاعته

وكمان على فكرة الملك فاروق كان كويس بس الحاشية بتاعته

يعنى ممكن يكون السبب من التلاتة


مين أكتر اعلامي مصري بتحترمه؟

انا بحب

ابراهيم عيسى وحمدى قنديل ومحمد احسان عبد القدوس



قريت ديوان عمر مصطفى صاحب بلوج تجربه " اسباب وجيهه للفرح" عن دار ملامح و لا لسه ؟؟ لو اه ايه رايك فيه؟؟
لا .. ما قريتوش


لو ممكن تشتغل شغلانه تانيه غير اللى انت بتشتغلها او كنت بتشتغلها كنت تتمنى تبقى ايه؟

انا مش بشتغل اساسا انا لسة طالب

لكن لو هشتغل مش هشتغل غير فى مجال الاعلام

يعنى مذيع او صحفى


ايه تانى بلد تتمنى تعيش فيها بعد مصر؟

فرنسا ومحدش يسالنى ليه


اوصف ليا ترتيبات اجمل فرح ممكن تحضره

مش مشكلة عندى الترتيبات اهم حاجة اللمة زى ماقولت قبل كدا

وخصوصا ان اللمة دى بتحب بعضها


بتراعي كلام الناس والقيل والقال؟ لو اه او لو لا قول لى ليه؟

لا طبعا لانه مايهمنيش

انا بحب اعمل اللى فى دماغى وكلام الناس دا مش هيقدم ولا هيأخر


صحيت من النوم ما لقيتش الموبايل ولا الكمبيوتر ولا الكاميرا الديجيتال ولقيتنا رجعنا لعصر الحمام الزاجل والحصنه هتكون سعيد؟

هكون سعيد جدا جدا جدا

لانى اساسا بحب العصور دى

ويعنى الناس اللى كانت عايشة فى العصور دى

برده كانت عايشه من غير الحاجات دى يعنى نقدر نعيش


السعاده هى؟


فى اسعاد الاخرين ورضا الله


عندك أمل ؟؟ أسبابك ؟

اكيد عشان لو بطلنا

نحلم نموت

وغير كدا انا لسة مابتداتش


لما تحب تهرب من كل شئ بتروح فين؟

بتمشى فى شوارع المحروسة او فوق سطح البيت



امتى أول مره خدت فيها نفس طويل كده وقلت بينك وبين نفسك يااااه الظاهر انا فعلا كبرت؟

تصدق لو قلتلك أول ما أختي نيرة الصغيرة نادتني بـ .. آبيه أحمد

وكمان لما بدات اعمل المدونة



لما بتعمل عمل خيرى بيكون ايه هو دافعك الاول؟

طبعا رضا الله واسعاد الاخرين

عشان انا اكون سعيد



بتشرب سجاير؟ لو الاجابه اه ايه شعورك لو شفت ست بتشرب سجاير؟ وليه ؟


لا الحمد لله دا انا قائد نشىء يعنى من واجبى

النصح ضدها

اما البنات بقا اللى بيشربوا سجاير انا بقا مش بااحترمهم

مش عارف انا بقا الدافع ورا دا ايه

عشان يقلدوا الراجل يعنى ولا ايه


بتعرف ايدك اليمين من الشمال ازاي؟

حفظتهم


ايه اكتر اله موسيقيه بتحبها ؟ ايه اكتر اله موسيقيه بتحبها ؟

الجيتار والاورج لانى بعرف اعزف اورج بس مش جامد يعنى

نص نص



فى رأيك ليه الذوق والنخوه اتعدموا؟

مااتعدموش لكن قلوا


ايه الحاجه اللى لو حصلتلك تبقى سعيد قوى؟؟؟

اساعد محتاج وواحد يقولى بحبك فى الله


تختار يبقى عندك...ارض زراعيه ولا اجنس عربيات و لا كام عماره و لا فلوس فى البنك؟؟؟؟


لا الارض الزراعية لاننا اساسا عندنا اراضى وغير كدا

الارض هيا اللى هتجيب كل دول



البحر و لا النيل؟؟؟

النيل لانى بحبه جدا مش عارف ليه بالرغم ان انا مابشوفوش على طول


مركب و لا طياره؟؟

طيارة لانها فيها راحة


مجنون و لا عاقل؟؟

ماعرفش بس فى بعض التصرفات ممكن تقول

عليها مجنون


تقرأ كتاب و لا تتفرج عليه فيلم؟

الكتاب لانه هيفدنى اكتر

وانا بجرى ورا الافادة


بتمرر التاج لمين؟؟؟










Monday, September 17, 2007

انا غلبان وليا لسان

سلامووووووز عليكم
امشي في الشارع بص للوشوش و الناس بص جواهم هتلاقي الدكتور و المهندس و الطالب و النجار
و المدرس و البقال و الساعاتي و السواق و صاحب العماره و ... و...كل واحد ليه مكانه سواء كانت في السما عند الدور العاشر
او في البدروم تحت الارض وفي اللي مش موجود اصلافيه اللي مسنودو فيه اللي ساند
في الناس الواصله وفي الغلابه انا منهم واحد منهم...... غلبان
مش شرط الغلب يكون ضعف او فقرلما تحس انك مش مهم
لما تحس بإن اللي اقل منك ريس عليكاهلا بيك معانا في حزب الغلابه .. حزب وداد جلبي يابويا
انا غلبان مواطن و إنسان
ويمكن اكون حمــــار كمان
اتمرمطت و شوفت كل مكان
وشوفت من الناس اشكال و الوان
وداسوا عليا بالبلغ والصرم في بعض الاحيان
اه انا غلبان بس معايا سلاح جنان
سلاح لو مش معاك يبقي انت الجبان
غلبان ... و معايا لسان
غلبان ... و مش جبان
اه
مش باقدر اغير حاجه بس اقدر اتكلم اللي مش عاجبني بقوله في وشه من غير خوف
خدها بالمنطق كده ..
انت خايف من ايه ده عمر و هيعدي اوعي تخليه يعدي كده و خلاص
دي فرصه و احده و استغلها و اثبت وجودك بلاش المنطق سيبك من أم المنطق : خليك علي طبيعتك
قول رايك .. انقد ..
اسخر من كل الناس .. حتي نفسك
العبيط قوله يا اهبل
والرسيم قوله يا احول
مش عايز اطول أكتر من كده اللي مش هايتكلم و يسخرهايضيع وسط الرجلين
السخريه :: الحرف التاسع و العشرون
!السخريه :: حرف زايد .. و اشارات ساحره

Thursday, September 13, 2007

طلع لسانك....وشد ودانك.....احنا هنا علشانك

أطعم مسا عاللي موش فاهمين
طبعاً محدش فاهم العنوان ولا أنا فاهمه والله
المهم أنتوا طبعاً مستنين أني أقول حاجة موش كده
يعني مستنين موضوع عن اي حاجة تهييس سياسة معلومات
موضوع عام فكرة جديدة أو قديم
بس أنا النهاردة جاي كده رخامةاه والله أصل مفيش حاجة نتكلم عليها
هنتكلم عن ايه يعني
أه جتلي فكرةالسياسة
بصوا أنا أتخنقت من السياسة حاجة تخنق
يقولوا ديموقراطية و تطلع ديكتاتورية
يقولوا حرية و تطلع وراثية
يقولوا جمهورية و تطلع ملكية
يقولوا خصخصة و تطلع إيجار جديد
يقولوا حضارة و تطلع خرابة
بس ............... بس................بس أنا كده أروح فداهية
سيبونا من السياسة
نخوش فالمعلومات
هل تعلم أن :التمساح لا يستطيع أن يخرج لسانه.
*قلب الربيان في راسه.*
اكثر من 50% من سكان العالم لم يجروا او يتلقوا مكالمة هاتفية واحدة.*
اذا عطست بقوة، يمكن ان تكسر ضلعا،
و اذا حاولت ان تكتم عطسة، فانه يمكن ان تفجر وعاءا دمويا في رأسك أو رقبتك و تموت،
اما اذا عطست و عيناك مفتوحتان، فانهما سينفجران.*
صوت البطة لا يرد الصدى في أي مكان، و السبب غير معروف.*
كوكا كولا كان لونها في الاساس اخضر
طب و أنتوا مالكوا أنتوا بالكلام ده كله يعني هو أنتوا هتشتركوا فمن سيبرح الميلون بكرة
نخش فالموضوع العام
" ما بين الحب و الإعجاب "عارفين ايه الفرق بين الحب و الإعجاب؟؟؟
هأقلكوا اناالفرق بين الحب و الإعجاب هو أنالإعجاب
أنكـ ممكن تشوف حد يشدك ليه بس بحاجة ظاهرية يعني
مثلاًيووووووووووه الموضوع ده مليون واحد أتكلم فيه
بصوا كده من الأخر مفيش حاجة غير التهييس
و بما إني ملك التهييس أحب أقلكوا أن الحياة حلوةاه والله حلوة
أويعني محدش بأه يخنق حدو كمان محدش بأه بيتطفل علي حد
و برده مفيش حد بأه بيفرض نفسه و سلطته عليك
لأ و ايه البلد مالها البلدزي الفل أهيةالمواصلات جميلة و كلها مكيفة
و الشرطة فخدمة الشعب و اللي جابوا الشعب كمان
و الحياة ماشية هي وقفت يعن
ينخوش بأه فالخصوصيات شويتين
الأهل زي الفل متفاهمين جداًو مدينك الحرية بمعناها المظبوط
محدش بيخنق عليك و محدش برده عامل عليك كبير
و لا ايه أصحابك كلهم زي الفو ل ورجالة
و بيقفوا جنبك وقت الشدةو لا ايه بردك
بصوا بأه من الأخر و خلاصة الكلام كده
أنا موش عارف فيه ايه أنا حطيت ايدي علي كيبوردي
طلعت مني كده
كلمة أخيرة**** لو فى يوم حسيت أنكـ مخنوق متتضايقش علشان أنت أساساً هتكون متضايق
و لو أتضايقت هتتخنق أكتر ****كلمة تاني**** أرفع علطول شعار نفض تعش منتعش ****نورتوني

Monday, September 10, 2007

ست نصائح شيطانية للانظمة الديكتاتورية

حيث إن الناس فى بلادنا لم تعد تطيق الغباء ولا التهم المعلبة ولا عته الذين يتولون مناصب سياسية تعارف الناس على وصفها بالرفيعة، وحيث إن النظام لم يعدم إيجاد أشباه رجال للدفاع عن سوءته، وحيث إن هتيفة النظام فى معظم صحفنا أصبحوا معنيين بالغث وبتقديم مواد تطفح بالكذب والتزوير بدرجة تفوق الاحتمال ذلك أنها لا تراعى ذكاء الناس ولا مشاعرهم ولا الحقائق التى يعايشها أو يتجرعها الناس كل يوم، فإن الحاجة أصبحت ماسة لتقديم بعض النصائح - الشيطانية- لتلك الأنظمة عساها تتخفف من الغباء، وعساها تحترم عقلية الناس حين تقوم بالتلفيق والاتهامات المعلبة، وعساها تجيد انتقاء شخصيات تحسن الكذب والنفاق احتراما لعقلية الناس فى بلادى ،.....ولربما عجز النظام الفاسد عن إيجاد مقترحات تغطى سوءته فمن ثم كانت هذى النصائح.
(1) فى الانتخابات وتزويرها
ما دلالة السقوط المروع للحزب الوطنى فى الانتخابات الأخيرة 2005 حيث لم ينجح من مرشحيه سوى ما نسبته أكثر من 30% ولولا انضمام بعض المستقلين بسيف المعز وذهبه لما استطاع تشكيل حكومته، وفى المقابل ما دلالة أن ينجح معظم مرشحى الإخوان (88 من مجموع 152 فى حين هناك سبع دوائر أخرى لم تحسم بعد، وباعتراف رئيس وزراء مصر الحالى لولا بعض الخروقات لحصد الإخوان أيضا ما يقرب من 40 مقعدا إضافيا) نجاحا باهرا ؟
ما دلالة كل ذلك؟
النصيحة الشيطانية: بهدوء تام دعوا الناس تنتخب من تشاء، ولا تجبروا القضاة على التزوير، ودعوا الشرطة تقف على الحياد، وامنعوا البلطجة، وحافظوا على أرواح العباد لكن أحسنوا اختيار القاضى الذى سيعلن نتيجة الانتخابات عكس ما صوت له الناس ...ولكم فى دوائر الزقازيق ودمنهور وفى غيرهما ما تستأنسون به ها هنا، وحين يقوم المعترضون برفع دعوى قضائية فهناك سيد .....أقصد سيد قراره، وهناك التعتيم الإعلامي التام وسوف ينسى الناس بعد حين....ولا مانع من دراسة منع مرشحى الإخوان- ومن ثم المعارضة الجادة- من قبول أوراق ترشيحهم من الأساس!!
(2) فى الشرطة وأمن الدولة وجرائم التعذيب
هل يُعقل حين يعلو صوت المعذبين، ويتم تصوير ذلك، وحين تنشر ذلك منظمات حقوقية مصرية وأجنبية ألا نجد حالات تَمْثُل للمحاكمة بحيث تؤكد للناس فى بلادنا أن التعذيب حالات فردية لا منهج منظم؟!
النصيحة الشيطانية : لا مانع من التضحية ببعض الضباط الذين لا ظهر لهم بحيث يعتقد الناس فى بلادنا ألا تستر على جرائم التعذيب، وجعل هذى التضحية لزوم الاستشهاد كل حين أن القانون فوق الجميع!!
وهاك نصيحة شيطانية أخرى : صَفَّوا خصومكم جسديا قبل أن تعتقلوهم فلا تجعلوا منهم شهداء ولا تصبكم منهم معرة، ولنا فى حوادث السيارات أو البلطجة أو الجرائم المقيدة ضد مجهول ما نستأنس به ونظهرها للناس بأنها قضاء وقدر!!
(3) تفكيك الحزب الوطنى
هل يعتقد قادة الحزب الوطنى الديمقراطى فى بلادى أنهم محبوبون أو أنهم عاملون مخلصون لهذه البلاد؟! ألا يظن أولئك أنهم ملوثون وإن هم إلا ثلة من المنتفعين لا غير تجمعهم مصالح مشتركة لا عقيدة حزبية؟!
لا جرم فسواء توهموا ذلك أو عقلوه فإن جرائم هذا الحزب وسمعته لم يعد يجدى معها عمليات الفكر الجديد، والعبور الفاشل إلى المستقبل وأمثال هاتيك الشعارات التافهة.
النصيحة الشيطانية : ترك هذا الحزب بحرسه القديم يتناوشون مع بعضهم، وإنشاء حزب جديد باسم جديد بهيئة جديدة بها بعض الرموز القديمة المحترمة – هذا إن وجد- ولجنة الأحزاب قطعا ستوافق، ومن ثم خوض انتخابات جديدة، ومع غياب إشراف القضاة الفعلى، ومع إجراء الانتخابات فى يوم واحد، سوف يشكل هذا الحزب الوزارة ولا مانع من تولى رئيسها بعد حين حكم البلاد نظرا للظروف الصحية الطارئة للرئيس الحالى ...( وكله بالدستور).!!
(4) فى الإعلام المرئى
هل وصل التدهور بالنظام أن عجز عن توفير مناصرين له يتسمون بالذكاء والفهم ! إننى أتخيل الذين يدافعون عن النظام الفاسد وهم يتلفتون يبحثون عن رجل يدفع عن النظام سوءته فلا يجدون سوى أناس كل مؤهلاتهم الحنجرة القوية التى تنفى كل شيء وأي شيء بأى صورة تتصل بالنظام، أو تلفق أى شيء للمعارضة، من ذلك ما شاهده الناس لأحد هتيفة النظام وهو يتهم الإخوان بأنهم وراء جرائم سفاح المعادى!!
النصيحة الشيطانية : اختر وجوها جديدة لم يعتد الناس على غبائها ثم اعترف- عبر هذى الوجوه- بوجود الجريمة، وامتص غضب الناس، وعد الناس بتشكيل لجنة للتحقيق، وبأنه لا تستر على الجرائم، وبأن القانون فوق الجميع، ثم ضع ثقتك أن الناس ستنسى بعد حين كما حدث يوم التحرش الجنسى ببناتنا يوم الاستفتاء الأسود!!
(5) فى الصحافة
لا يُعقل أن يكون الإخوان كلهم شر محض ! ولا يُعقل أن يكون النظام حمل وديع كله خير محض! ولا يُعقل أن ينهج هتيفة النظام أو الأمن الصحافى فى حملتهم نهج الذين أصابهم نجاح الآخرين بسعار ينغص عليهم معيشتهم ويؤرق ليلهم، كما لا يُعقل أن ينهج هؤلاء مع الإخوان نهج التمييز العنصرى ويتصدر أحدهم صحيفته بالمطالبة بإقصاء الإخوان بالقانون والدستور وحرمانهم من حق طبيعى تكفله حقوق المواطنة.
النصيحة الشيطانية : ينبغى على هتيفة النظام فى الإعلام المقروء أن يتخففوا هونا ما من إلصاق كل نقيصة بالإخوان، ومن النفى التام أو النفى المعلب سابق التجهيز أو النفى الغبي لكل نقيصة للنظام الحاكم، امتصوا غضب الشعوب بذكاء، وكم كنت أرجو أن يعي هؤلاء أن المضطهد حبيب الشعوب، ومن ثم فإن اضطهادكم الأعمى هذا سوف يؤتى بثمار عكسية، فضلا عن أن المكر السيئ لا يحيق إلا بأهله وإنها لقاعدة لا تخطيء أبدا......... لو كنتم تعقلون!!
(6) تلفيق التهم
دأبت أجهزة الأمن فى بلادى على الاعتماد على تهم معلبة وسابقة التجهيز لأي معارض بكونه يريد قلب نظام الحكم وذلك فى الزمن البعيد، والحق أنه نظام يحتاج إلى اعتدال وانتظام وليس فى حاجة إلى قلب لأنه فى أساسه مقلوب أصلا، ثم نضجت تلك الأجهزة قليلا أو بالأحرى شعرت بالخزى والعار من ترديد تلك السخافات فانتقلت إلى ترديد تهمة أخرى أيضا معلبة وسابقة التجهيز عنوانها التطرف والإرهاب، والحق أن صناعة التطرف والإرهاب تتم داخل مقار لاظوغلى وأبى حيان وليمان طرة وسلوا عن بدو سيناء إن كنتم لا تعلمون، ثم نضجت تلك الأجهزة قليلا أو بالأحرى ضجت من سخافة تلك التهمة إلى حد ما فدأبت تنسب أى مشكلة إلى المختلين عقليا وصارت هذى أيضا من التهم المعلبة سابقة التجهيز لتبرير أى مشكلة، حتى صارت أجهزتنا الأمنية أضحوكة ومثار سخرية الناس، إنها لم تعد تدرك أننا نعيش فى عصر الفضائيات والنت فباتت تصر بغباوة تثير الرثاء على إثبات أن الأرنب ما هو إلا ذئب مشاكس خطير وهو مختل عقليا ويرتدى عباءة الإرهاب!!
ولا تخلو القائمة من تهم أخرى تبعث على السخرية ولربما ستظل أجهزتنا الأمنية ترددها لسنوات طوال فعلى أصحاب الدماء الحارة أن يلوذوا بالصبر والمطمئنات المعرفية...ذلك حين تطل علينا أجهزتنا الأمنية بتهمة معلبة أيضا وسابقة التجهيز عنوانها (إهانة الرئيس): أى رئيس؟! وأية إهانة؟!
وأخيرا – ويبدو أنه ليس آخرا- تهمة الإخوان ....سعار أصاب النظام من الإخوان، فالإخوان وراء أى شيء فى أى مكان يصيب أى شيء فى هذا الوطن بله العالم، ولا مانع من القول بأنه إذا تصارعت سمكتان فى جوف البحر فإن الإخوان وراء ذلك!!
النصيحة الشيطانية : اعتقلوا دون كلام، ودون تبرير، وشوهوا بالمعقول فكثرة التشويه ككثرة العقاب تُجرِّئ المشوََّه(بفتح الواو)، وتجعل الناس تستهين بالمشوِّهين(بكسر الواو)، وميزوا بين المعتقلين فاعتقلوا من لا ظهر له، واعتقلوا من لا يؤبه به إعلاميا لئلا يطالكم النقد!!
دعاء عريض
اللهم إنك قد أعميت أبصار أهل الحكم عندنا عن الفهم، وما فيه خير للعباد، اللهم اطْمِسْ عَلَى أَمْوَالِهِمْ وَاشْدُدْ عَلَى قُلُوبِهِمْ فَلاَ يبقوا حتى لا يبصروا هذى النصائح ....اللهم فأذن بزوال حكم الظالمين .....الوالد وولده، ومزق شمل من يؤيدهم بائعا دينه بدنيا
ه
ملحوظة:تم نشر هذه المقالة فى جريدة الدستور.

Thursday, September 6, 2007

خدلك تاكسى باتنين جنيه

عنوان غريب صح
مستغربوش خليكو معايا للاخر
حاجه غريبه للاسف لاحظتها عندنا في الشارع المصري الا وهيا ان الناس بتتكسف تقول معرفش
يعني لازم لما تسأل حد عن حاجه يجاوب عليها باي طريقه لكن ميقولش معرفشي
عني مثلا انتا في محافظه او مدينه غريبه عنك وبتسأل واحد لو سمحت ازاي اروح المكان الفلاني..تلاقيه بص يمينه وشماله؟؟؟؟؟؟؟؟؟
وبعد كده بص للسما ليه معرفش ويهرش في دماغه ..........ويبصلك بصه غريبه كده
(((وبعد كده يقولك:بص يا استاذ حضرتك هتاخد الشاااااااارع ده لاخره وتكسر شمال هتلاقي كشك سجاير في تالت شارع علي اليمين
هتسأل هناك وهيدلوك..........تروح انتا قايله متشكرين ياباشا وجزاك الله خيرا ....
.وبعد ماتوصل وتسأل واحد تاني يروح باصصلك من فوق لتحت كده وقايلك باستغراب:المكان الفلاني؟؟؟؟
ايه اللي جابك هنا يبني........بص...........شايف الكوبري اللي هناااااااااااااااااااااااااك ده............هتروح هناك وتعديه
وتخش في تاني شارع بعديه شمال هتلاقي هناك جامع المكان الفلاني ادامه علطول............
تروح انتا يا مسكين قايله متشكر جدا يا حاج والله انتا ربنا بعتك ليا من السما............وتطخ المشوار اللي قالك عليه.........
.وهناك تسأل فين المكان الفلاني.......يجيلك واحد ابن حلال كده ويقولك المكان الفلاني يبني مش هنا...........
ولانه مبيحبش يفتي في اللي هوا مش عارفه يروح قايلك ::بص يا سيدي................. خدلك تاكسي باتنين جنيه من هنا وهوا هيوديك علطول.......
.....ولما تشاور للتاكسي وتقوله المكان الفلاني يا غلبان..........تلاقي السواق فرك ايديه في بعض..........
وابتسم ابتسامه شريره كده........................ويقولك اتفضل يا معالي الباشا.........هوصل سيادتك........
.ولما تركب يا عين ماما معاه يوصلك اخيرا للمكان الفلاني
وتلاقي نفسك مدبس
في حسبة عشرين ........خمسه وعشرين جنيه.كده..................
.وشيل يا معلم...............
عشان خاطري يا اخوانا محدش يفتي في اللي ميعرفوش
ومحدش يقول خدلك تاكسي باتنين جنيه لاني انا شخصيا متعقد من الجمله دي.....................

Monday, September 3, 2007

لازم توسخ ودانك

تحت شعار لازم توسخ ودانك
طبعا وفي ظل الالحان الجبارة والكلام الهايل في أغاني
2007انا طبعا متأكد ان معادش حد مضطر يسمع اغاني أم كلثوم عبد الوهاب وعبد الحليم حافظ وفريد الاطرش
ولا يتفرج على افلامهم واسمع الاغاني الوحشة دي ليه مثلا ده
حتى بالعقل اقارن حد عاقل مثلا يسيب الأغنية الجبارة بتاعت المطرب الهايل فلان البري بري بئ بيدق في الشكمانات
ويسمع مثلا هذة ليلتي لأم كلثوم ولا حد عاقل يسيب أغنية بقى ده اسمه كلام والنبي يا أحمد
ويسمع أغنية يا ملاك قلبي لعبد الحليم حافظ ولا حد عاقل يسيب اغنية وابقى تعالى بالليل وانا اوريك الويل ..الحلو هانحلى واعملك الللي
ويسمع مثلا أغنية أيظن بتاعت نجاة الصغيرة دي حتى طلعت سارقاها وانا مش عارف ولا حد عاقل عنده ذرة رومانسية
يسيب أغنية هي ناقصاك انت كمان جاي وعايز من حنان ويسمع أغنية أهواك واتمنى لو انساك لعبد الحليم
ده اسمه كلام برضه تخيلو لما بنشوف كليب على قناة فضائية بيبقى عامل ازاي
المشهد الاول:
المغني الهايل ذو الصوت الجبار صاحب الحنجرة المتكلفةواقف في الحارة ولابس فانلة حمالات ومهبب وشه بهباب
_ قال يعني من لوعة الحب_وبيجري ورا عربية الرش وبيغني بعد ما الحمد لله لحقها واتشعبط فيها من كتر حبي ليك ....
بقيت ما باكلش كيك ...وباكل اللحمة نية ...وفراخ من غير فريك يطلع طقم بنات جامدين ولابسين من غير هدوم
ويرددو بكل حماس كأنه النشيد الوطني لمصروفراخ من غير فريك....وفراخ من غير فريك
المشهد التاني:
نفس المغني اللي كان جربان من شوية راكب عربية 12 متر بتاعت مليون وشوية كده ولابس بدلة من عند عم عبده الزفروالبت بتاعته بقى
هي كمان نضفت وجايبين مروحة من عند عمر افندي قبل بقى ما يتخصخص وعيل صغير واقف وراها مش باين بقى طبعا
وشعر البنت عمال يطير في الهوا قال يعني الشعر الحرير وهي اصلا شعرها سلك المواعين بالنسبة له طفرة في مجال النعومة
والمطرب العاطفي يكمل غنا بقى يا حبيبي عزالك علي هلو ....والرجل بقى فيها كلو ...لو شافني قلبك ماتقوله..الكلو طلعلي ليه؟
يطلعو برضه نفس طقم البنات هم هم ولابسين طقم قلته هاتبقى حشمة عن كده ويردو بنفس الحما الكلو طلعله ليه؟ ......الكلو طلعله ليه؟
ويفضل بقى المغني الجبار يعيد ويزيد في الكلمتين الحمضانين دول لحد ما ال3 دقايق بتوع الكليب يخلصو
وينزل بقى
اسم المخرج سيد حركاتـ
تأليف وغناء المطرب الجبار سيد منافلة
والناس بقى تقولك يا سلام ده مولود من يومه في عيلة تعشق الغناء وتقدس البتنجان الاسودده
مألف أغنية محصلتش*وينزل بقى التتر بتاع الاغنية كله بالانجليزي مع العلم ان المطرب ده نفسه ممكن مايعرفش يقرا اسمه
بس اهو كده التتر لازم يبقى انجليزي عشان الشياكة*وبعد كده بقى يختملك الكليب بصورة المطرب الجبار وهو متصور
في اوضة اضائتها خافتة كده تقريبا دي اوضه الفران ولابس اسود في اسود وضارب نضارة شمس من اللي بيتباعو في العتبة ب10 جنيه
وبيبص للمتفرجين بصة كلها شموخ كأنه ملك انجلترا قال يعني النجم العالمي (ارفس برجلي)... *
والغريب بقى ان اول ما الاغنية تنزل الناس تبقى مش طايقاها وهاترجع لما تشفهالكن بقى طبعا المطرب الجبار دافع يعني لازم الناس
تسمع غصب عافية هاتسمع
*الاغنية تتذاع بتاع 90 مرة كده في اليوم الناس بقى مفيش هو اسبوع واحد وكل العربيات والناس تبقى مالهاش سيرة غير الاغنية دي

Twitter Delicious Facebook Digg Stumbleupon Favorites More