Sunday, October 12, 2008

وربنا الناس دى بتقول كلام زى الفل

سلام عليكم

كل سنه وانتو بخير

وعيد خلص ونستنى بقه عيد الاضحى

بس ندخل فى البوست بشوف فى اماكن كتير جدا مواضيع اسمها تقدر تقول عيوب نفسك

وتلاقى واحد يدخل يقول اه انا اقدر نستنى يقول عيوبه تلاقيه يقولك انا طيب اوى وحنين جدا ورومانسى ولما بحب حد بخلص ليه

واحده تانيه تقولك انى حساسه اوى اوى وممكن اعيط من اقل حاجه حتى لو شوفت صرصور صغنون بقعد جنبهواعيط

وف يوم من الايام قولت هاكون صريح مع نفسى واقول عيوب نفسى اللى نفسى اتخلص منها فا قولت انى زى كل بنى ادم بغلط وبتوب

وبغلط وبتوب الحمد لله انى ليا قلب يخلينى اتوب اه ساعات كتير اكلم بنات كتير جدا وساعات تانيه مش بكلم بنات ولو ارتبط بواحده وقالتى

متكلمش بنات حتى لو صداقه اكيد مش هاكلم

وقولت كمان انى فى الصلاه ساعات كتير بكون مقصر جدا وساعات تانيه بحافظ بس ربنا مش عاوزنا ساعات وساعات

وكمان عصبى وكمان متسرع وقعدت اقول فى عيوبى حسيت انى صغرت فى نظر الناس اللى بكلمهم اوى

بس حسيت انى كبرت فى نظر نفسى اوى لان انا على حد معلوماتى القليله فى الدين ان من اهم اسباب التوبه انك تعرف الزنب وتندم عليه

واهم حاجه تعرف الذنب ومعرفه الذنب بقه ياااااااااااااااااااااه انا شايفها اجمل شى فى التوبه لما تعرف عيوبك هاتعيش عارف مقدار نفسك

هاتشوف عيوبك بتطلع امتى وفين وليه وساعاتها هاتحل مشاكلك وعيوبك مش هاتقعد فى المكان اللى بتطلع فيه ولا الوقت والسبب اللى

بتطلع فيه عيوبك الناس بتخاف تقول عيوبها بجد ادام الناس يقولك ياعم انا الناس راسمين ليا صوره حمصيه بلاش اهزها بس انا بقه

صريح وشايف وبحترم وبعز وبقدر اللى يعرف الذنب ويعترف بيه حتى لو لسه مش تاب منه لان اكيد بدل عرف الذنب وحتى لو الشيطان

سهله انه يرتكب الذنب ده هايجى يوم ويبطله انما لو عايش وقالك عادى دى مش عيوب اشطا جدا الحياه لذيذه والناس بتحقد عليا وبيقول فيا

حجات مش فيا يبقى ده ايه مش عاوز حد يدخل يقول عيوبه اودام الناس علشان برستيجك بس اقعد مع نفسك وشوف عيوبك وقول انا بعمل

كده ومكسوف من الناس مابالك برب العالمين ووقتها هاتبقى من غير عيوب بس يمكن ترجع لها تانى لان كل ابن ادم خطاء وخير الخطائين

التوابين اخطا وتوب لحد ما تموت بس اهم حاجه تموت وانت تايب وده بيجى بقه باخلاص النيه لله ولما حد يحب يقولك عيوبه متقعدش تقوله

يخرب بيتك والله نحسبه موسى يطلع فرعون لا قبل ما تتكلم بص لنفسك وشوف عيوبك وقوله يا اخى ربنا يتوب عليا وعليك كلنا اصحاب

ذنوب ولازم نتوب وعيش وعيشها سلام

واحسبها صح.....هتعيشها صح

14 التعليقات:

وربنا انت اللي بتقول كلام زي الفل يا احمد

وبجد كلامك في الجون ويستاهل وزنه دهب

يعني مفيش بعده كلام

يسلم كيبوردك

قمت منذ فترة بإرسال رسالة للكثيرين من معارفي وكان محتواها طلب أن يذكروا عيوبي التي يتمنون أن أتخلص منها ومحاسني التي يريدوني أن أنميها
وسؤال ثالث هل سيستريحون أكثر إذا اختفيت من حياتهم
وكانت النتائج رائعة

احمد

ربنا يخليك ع الكلمتين الحلوين دول

الحمد لله
ان النتائج رائعه
واحسنت فى هذا الاختبار

السلام عليكم ورحمة الله وبركاته
جزاك الله كل خير على هذا الموضوع

اولا انا عايزه اقول نقط كتير فى هذا الموضوع
1 ليه ايحنا فعلا مش من السهل علينا اننا نعترف بعيوب نفسنا صحيح وبتحصل ان الانسان اخيرا لو جه يواجه نفسه هيقول عيوب فى جوهرها مزايا اكيد دى بيكون راجع لعدم الثقه الكامله بالنفس ودى عيب او عدم ثقه فى الاخرين الى ممكن يفهمونا غلط ودى برده عيب لان لو الانسان واثق بالفعل من نفسه الى حواليه غصب عنهم هيستشعروا الثقه فيه
2 التوبه والقرب من الله والاستغفار جميل اوى ان الانسان يفضل قلبه لين بذكر الله وفى دوام التواصل مع خالقه والحاجه الدائمه الى طلب العفو منه
3 فى رحلة حياتنا تاخذنا الحياه الى هنا وهناك وتلعب بنا الدوائر ولكن فى وسط ذلك ندرك ان لا ملجا ولا منجى من الله الا اليه فيعود القلب والروح مره اخرى الى موطنها الفطرى الى الله تلتمس التوبه

جزاك الله كل خير
موضوع جميل
ربنا يعينا جكيعا على ادراك اخطائنا والعمل على تصحيحها
وفقك الله الى ما يحب ويرضى
والسلام عليكم ورحمة الله وبركاته

الله
حلو اوى البوست دة
وفعلا احنا لازم نخلص النية لربنا عشان نقدر نعيشها صح
سلامات

ما شاء الله لا قوة إلا بالله

ربنا يكرمك يارب ويجازيك كل خير في الدنيا والآخرة على كلامك ونصائحك الغالية دي بجد

اولا شكرا للبوست المهم ده
ثانيااللى يشكرفى نفسه يبقى شيطان زى ماسمعت
ثالثامفيش حدمعصوم من الخطاوزى ماقولت كل بنى ادم خطاء وخيرالخطائين التوابين
رابعا االانسان الكويس وعايزيعرف يعيش حياته صح ويكون مرتاح هواللى يعمل لنفسه تقريرمن خلاله شخصيا اومن اللى حواليه ويتذكرفيه كل محاسنه ومساؤه ومفيش حدفى الدنياهيعرف هوايه بالظبط ممكن انامش قصدى انفى لكن قصدى احتمال ..ممكن يكون مفيش
واخيرا ربنايوفقناكلناويصلح من حالناواتمنى كل واحديعيش ويموت وهو راضى لربه ومرتاح لنفسه

وياريت كل واحديعمل تقرير لنفسه ومفيش حديزعل من الحقيقة لان الحقيقة دى هى انت مش حدتانى اول ماتقابلواحداسئلوه قلولوا انامين؟؟؟

السلام عليكم
معرفة الذنب والاعتراف به هو اول طريق التوبة
ربنا يتوب علينا جميعا

اولا ربنا يتقبل يا سيدى
ثانيا:سؤال بس يعنى ايه ذنب انك كنت بتكلم بنات
يا بنى المهم انت بتتكلم في ايه
ثالثا
انا اعتقد ان احسن انك تصارح نفسك بعيوبك يعنى لواحدك
لأن بعض الناس ديما مش بيفكروا ببساطة يعنى تلاقى واحد لو اكتشف مرة انك لابس شراب مقطوع تسقط من نظره
ههههههههههه
انا مش باهزر والله حصلت ومعايا وكمان معايا الشراب المقطوع ودا على فكرة لما كنا فى اولى ثانوى كمان
المهم
انت ممكن تحاول تتخلص من العيوب بشكل جماعى يعنى تقول يا جماعة انا قررت اتخلص من كذا
وهكذا

دائما نلعب انا واصدقائى لعبه ذكر عيوب الاخر
تكون غالبا مصتنعه لكنها تفيد
تحياتى
كلام زى الفل

[بقلوب صادقة يملؤها الحب والوفاء بقلوب يملؤها حب الله تعالى ,,

بقلوب تسكنها الفطرة الربانيه ,,

بقلوب يحركها شوق الطاعه
بقلوب مفعمة بالفخر والاعتزاز يسر نا جمعيا وبكل معاني الحب والتقدير ان ندعوكم لمشاركتنا حلمنا بانشاء رابطة تضمنا جميعا فى رحاب الله رابطة هويتى اسلامية فكم يسعدنا تشريفكم لنا بالانضمام وكلنا امل لله عزوجل ان نكون عند حسن ظنكم وتقبلوا تحية اسرة رابطة هويتى اسلامية
http://hawetyhawety.blogspot.com/

هو فى العموم صعب حد يقول عيوبه بمنتهى الصراحة و الوضوح لازم هيتجمل و بيبقوا فى العادى قليلين

Post a Comment

شوف انت عاوز تقول ايه

Twitter Delicious Facebook Digg Stumbleupon Favorites More