كــــــــــن مـــع الثــــوره

أبـــتــديــنــا يـــوم .. 25 .. يــاتــرى هــنــكــمــل.

انـــا مــصــرى انـــا حـــــر

وشرفك يا بلدى لتبقى يا بلدى حياتك هيا عمرى وقدرك هوا قدرى حرية على طول الزمان حب حب وسلام فى أى مكان ؟؟.

ثــــــورتـــــنـــا ســـلــمــيــه

وشرفك يا بلدى سحابة وتعدى وبرضة أنتى بلدى مهما عملوا يا بلدى فيكى أحنا ليكى احنا بيكى دا أحنا ياما خدنا منك ... فيها أية لو يوم نديكى .

ثـــــــورة شـــعب ... ســـلـــطـــة شــــعب

فــــى انـــتـــظار 25 يـــنايـــر 2012.

مــــيــدان التـــحـــرير

هـــــنا اتـــــولــــد حــــلــــمــــنــــا.

Saturday, October 20, 2007

فى الوقت الضائع

في الوقت الضائع"
في الوقت الضايع ... نريد أن ننهي كتابة المقال
في الوقت الضايع ... نريد أن نأتي بهدفين ليتم الفوز.
في الوقت الضايع ... نريد أن نسلم البحث المطلوب تسليمه قبل شهر.
في الوقت الضايع ... نريد أن نختم سورة الكهف كاملة قبل المغرب بخمس دقائق.
في الوقت الضايع ... نريد أن نختم الأجزاء الثلاثة الأخيرة من القرآن قبل ضرب مدفع العيد بربع ساعة. في الوقت الضايع ... نريد أن نتحرك من بيوتنا للحاق بالموعد في وقته وبيننا وبينه 20 كم.
في الوقت الضايع ... نريد أن نذاكر آخر عشرين صفحة من المقرر
في الوقت الضايع ... نريد أن نقطع التفكير الخاطئ وقد قررنا وحكمنا.
في الوقت الضايع ... نريد أن نعتذر وقد سببنا كوارث.
في الوقت الضايع ... نريد أن نندم ولا ينفع وقتها الندم.
في الوقت الضايع ... نريد أن نتأكد من صلاح الأجهزة في قاعة الاحتفالات.
في الوقت الضايع ... نريد أن ننادي الخبير ليصلح الخلل، والخلل موجود منذ أسابيع.
في الوقت الضايع ... نريد أن ندعو الناس، والعشاء بعد ساعة.
في الوقت الضايع ... نريد أن نعقد اجتماعاً، وقد وقع الفأس على الرأس.
في الوقت الضايع ... نريد أن نفوز، وأن ننتج، وأن يصفق لنا الناس، وأن يشكرونا على الإبداع
، وأن يحتفوا بنا.
في الوقت الضايع ...نريد أن ننجز كل شيء وبكل إتقان،
وفي الوقت الضائع نريد أن نتوب ونكون من الصالحين،
وفي الوقت الضائع نريد السعادة. وليتنا نسأل أنفسنا هذا السؤال البرئ:
ألا يمكن أن ننجز كل ما سبق وأن نسعد وأن نفرح في الوقت الحقيقي الطويل
وندرب أنفسنا على ذلك، بدل الوقت الضايع القصير؟!.

Tuesday, October 9, 2007

عزيزى الفاشل عزيزتى الفاشلة


عزيزي الفاشل عزيزتي الفاشلة الآن يمكنكم بكل حماس .. الانضمام إلي نادي الفاشلين ..
إلي أمنحكم من خلاله فرصة خيالية وبالمجان لتكون ذلك الفاشل المثالي الذي تمنيت أن تكونه يوما ما
.. وفي هذا اليوم العظيم المليء بالفشل .. سوف أعطيكم صولجان الفشل الذهبي .. ولكن دوني أولا أتسائل في عنف .. هل يحب أحدا من الدراسة والحياة الجامعية أو المدرسية بوجه خاص ..
أتحدي أن يبدي أحدكم ذلك الإعجاب , القليل من الفتيات التي يعتقدن أن الدراسة وسيلة محبوكة وضعها الدر
في طريقنا للخروج من سيطرة ذلك الكيان الهلامي الديكتاتوري المسمي البيت وعدم خروج البنات .. لذلك سوف أعطيك مجموعة من النصائح الذهبية حتى تتقن كيف تطرد من المدرسة
وتحقق غايتك الكبرى ألا وهي ( السرمحة ) في الطرقات أو الذهاب إلي السينما ..
أو الخروج في نزهة خاصة جدا .. مع أصدقائك .. ولنبدأ سلسلة هذة المقالات الان
1- هل تحب الالتزام بالطوابير .. أظن لا احد يحب ذلك , وعلي اعتبار الطابور شيء ممل وغير جدير بالحضور .. أعمل علي أن تستيقظ متأخرا .. فيفوتك ذلك الروتين اليومي الهام ... وعندها لن يتردد ناظر المدرسة في طردك علي ابسط تقدير أو لن يفتحوا لك باب المدرسة .. وتبقي ( جت منهم )
2- إذا فشلت هذه النصيحة ودخلت رغم كل ذلك .. اتبع هذه النصيحة فهي جيدة إلي حدا ما , ادخل الفصل وأنت رافع راسك ولا يهمك المدرس .. ( هما كانوا اشترونا يعني ) وتعامل بهذا المبدأ .. إذا سألك المدرس عن سبب التأخير وهذا وارد غالبا .. تجاهلة .. نعم تجاهلة .. (أنت لسه هتصدع دماغك بالرغي مع حد مش هيفهمك ) .. أو قول له .. كنت في مكتب سياحة بحجز تذكرة للصين .. وإذا سألك عن السبب قل لة سوف أذهب للدراسة هناك .. أيما بمقولة .. أطلبوا العلم ولو في الصين .. صدقني سوف يحترمك أستاذك بشدة
3- حط رجلك على التختة وقول للمدرس أنشا لله منكونش أقطعناك يا أستاذ .. هتقولي أن مد رجلك علي التختة أدام الأستاذ عيب .. أقول لك .. أنت جاهل .. لية .. هرد وأقول أنت مبتشوفش أفلام أجنبي عن المدارس اللي في أمريكا .. الواد يخويا يخش ويحط رجل علي رجل ويعمل ميت شقلباظ في الفصل ويكلم المزة اللي جنبه عادي جدا .. لكن الموضوع دا في مصر ح يديك فرصة مثالية للطرد .. وتبقي حققت اللي أنت عاوزة .
4- ممكن بسهولة تعيش الدور لو الأمثلة السالف ذكرها لم تحقق النجاح المطلوب خاصة إذا كان مدرسك من ذوات الدم البارد .. طلع علبة السجاير المارلبورو أو الكيلوباترا الأصيلة .. وأطلب من مدرسك يولع لك عشان كبريتك خالص .. هذا إذا كنت من محبي الإصابة بسرطان الصدر الجميل وتدخن .. وأن لم تكن .. جرب وأعملها برضة , وماتخفش مش هيجيلك السرطان عشان المدرس هيولع فيك قبل ما يولع السيجارة .. وهي حبة حروق من الدرجة الأولي أو الثانية وتعدي .. المراهم مرطرطة في الصيدليات يا عم
5- إذا نادى المدرس الأسماء ووصل عند اسمك قول لة بدلع .. أيوة يا فندي .. دي أسمي , طبعا أنت متوقع النتائج .. هو صحيح هيشك في أمرك حبتين .. لكن في النهاية هيطردك هيطردك أن مكنش من طريقتك في الكلام يبقي خوفا من الشبهات
6- اخبر المدرسين أن يتأخروا في الشرح ساعتين لأنك ما بتصحاش بدري .. عادي جدا الطلبة في المدارس الأمريكية والدول المتقدمة كلهم ممكن يقولوا لمدرسيهم كدا بكل صراحة .. ومدرسيهم بيرفضوا برضة بكل صراحة عدم الالتزام .. لكن هنا في ارض العراقة والتاريخ .. عارف هيحصل أية .. هيطردك المدرس طبعا .. دا بعد أنهار الشتائم المقدسة التي سوف تسيل من فم مدرسك .. عادي وأنت فارق معاك حاجة الشتيمة بتلف تلف وترجع لصاحبها . خلي تلفونك المحمول يضرب كل خمس دقائق واستأذن المدرس أنها مكالمة خاصة .. طبعا هيقولك مافيش طالب بيفتح تليفونه المحمول في الفصل .. قول ومين قال كدا عادي جدا مستني مسد من الناظر عشان عوزني تحت لأنة بيدين درس خصوصي .. وبكمده تكون وديت الناظر في داهية وهتطرد كدا كدا لو مش من الفصل يبقي من المدرسة كلها .
7- ارفع يدك وعندما يسمح لك المدرس باتكلم قول لة:لا لا مافيش حاجة بهش الدبان يا أستاذ .. ممكن يصدقك عشان ناموسنا مليان مدارس مش العكس .. ولو مافيش ناموس طلع المسطرة وأقعد كأنك بتحارب الجيوش يمين وشمال ومافيش تطرب مدرسك مسطرة أو أتنين وحجتك معاك .. بطارد النمواسة ..أنت متفرجتش علي مدرسة المشاغبين أبدا ‍؟‍
8- عندما يحين وقت مغادرة المدرسة وعندما يضرب الجرس أسأل مدرسك أي سؤال في المنهج ولما يحاول المدرس الإجابة علية تجاهله واطلع من الفصل .. عادي بقي احترام اية يا عم .. وبكدا هتضمن أن المدرس دا كل حصة هيطردك ,وهي ساعة ألا ربع كويسة برضة لو عندك ماتش كورة في السريع .
9- اخبر مدرسيك قبل الامتحان انك مريض وعندك القلب وفشل كلوي حتى يحدد لك الامتحان من الكتاب ولا يتعبك من المذاكرة , وحرض واحد زميلك يقوله انك كذاب وبتضحك علية .. ساعتها .. ولا بلاش نقتصر ونقول هيطردك .
10- بدون مقدمات ابتسم في الفصل ثم اضحك ولم الأستاذ يسألك بتضحك علي اية يا حيوان .. قل له وأنت مالك يا أستاذ .. صدني أنا بتمنلك كل الصحة والقوة علي تحمل رد فعل الأستاذ قبل ما يطردك .
11- عندما يسألك المدرس عن الواجب اعتذر له لأنك كنت ليلة أمس مشغول وتشاهد فلم جديد ح يكسر الدنيا وانك احتفظت بنسخة للمدرس لأنة يستاهل .. تصدق ممكن المدرس ممكن يتبسط منك بجد .. وممكن ساعتها تبقوا صاحب وتفوتله أقلام وهو يفوتلك الحضور ( طريقة مجربة )

Wednesday, October 3, 2007

هرنلك بس اوعى تفتح عليا

اوعى تفتح عليه ... ماذا لو قال أحد الأشخاص هذه العبارة قبل ظهور الموبايلات ....
يعنى من عشرين سنة مثلاً ... أكيد كنت هتحسبه يحذرك من أن تفتح عليه الحمام
أو تفتح عليه باب اوضته و هو بيغير هدومه ..لم يكن فى الحسبان وقتها
أن يكون التليفون ضمن قائمة هذه المحظورات ..
يعنى لو حد سألك ساعتها اوعى تفتح عليه التليفون ( قبل ظهور الموبايل )
بالطبع كنت ستتسائل .. أفتح عليه التليفون إزاي ... هو حنفية !! -
و الآن تبدلت الدهشة إلى عادة و أصبحت هذه جملة مستهلكه بين الناس و خاصة بين الحبيبة ..
تقولك البنت التى تحبها .. هرنلك بس إوعى تفتح عليه ، تبقى خسرتنى يا روحى لو فتحت تبقي خسرتني دقيقه بحالها -
و عندما تطلب منك الحبوبة ألا تفتح عليها فهذا ليس لأنها لا تحب سماع صوتك فى التليفون ،
و لكن لأن الدقيقة بالشئ الفلانى .. لأنها ممكن تكون بتحوش تمن الكارت من مصروفها ..
و ممكن كمان ما تاكلش عشان توفر ثمن كارت الشحن ، لكن تخلص رناته ..
أهو ده اللى مش ممكن ابداً !!! و الموبايل بين الحبيبة أصبح شيئاً هاماً و ضرورياً
رغم ان كلا الطرفين يمكن أن يكون موجوداً فى البيت معظم الوقت ،
صاحبنا عايز يحب و يقضى حياته رنات و كلما إزدادت رناته كلما كان معبراً عن هيامه أكثر
و لان الحبوبة ممكن تزعل لو ما رنش ... معنى كده إنه مش فاكرها ... يعنى مطنشها
و تقول فى بالها يبقى أكيد ناوى يخلعنى من دماغه أو شاف له شوفه تانية
و هكذا تصبح الرنة بين الأحبة وظيفة ضرورية لا تقل عن وظيفة كيلو الفاكهة
الذى يحمله الخاطب لخطيبته فى زيارته الأسبوعية فى المنزل و ذلك ليثبت بفاكهة المحمول إنه مش جلدة -
هذا بعد أن اعانه الله و قدر يخطب - و مزيداً من الإخلاص فى الحب
يحوش الحبوب كام رسالة عاطفية من بتوع الكمبيوتر يرسلهم للجو عشان تتبسط ...
صحيح ممكن تكون أمة لا إله إلا الله حافظة رسالته قبل ما يبعتها لأنها دارت على موبايلات خلق الله قبل كده ..
و لكنها إعادة صياغة عصرية و تكنولوجية لما كان يحدث قديماً عندما يستعين أحد المحبين بكتاب شعر ينقش منه كلمتين يخبطهم على الجواب إللى ناقله من كتاب ( 100 رسالة عاطفية ) و بعدين يبعته لحبيبته ..
بعد الموبايل كل إنسان أصبح متاحاً و مقتحماً أى حد تقدر تجيبه من أى حته
و البت اللى أبوها قافل عليها أبواب البيت و شبابيكه و حاطط عليها 100 قفل
تقدر تلاغيها و تلاغيك لو معاها موبايل ... فهو حتة حديدة صغيرة تقدر هى تخليه صامت
و تقرأ رسايلك و لو فى الحمام ،
ببساطة اللوعة التى كنا نستمع إليها فى أغانى أم كلثوم لم تعد موجودة . .
بدل ما تقعد تعذب فى نفسك أغداً ألقاك تبعت ( ماسيدج ) بالمضمون
و سيبك بقى من السهر و السهد و التنهيد ..
بدل ما تقف أدام البيت و تقلد صوت كلب أو فار ( و ده سيم متفق عليه طبعاً ) يوفر المحبوب
و لا انتو ايه رأيكو

Twitter Delicious Facebook Digg Stumbleupon Favorites More