كــــــــــن مـــع الثــــوره

أبـــتــديــنــا يـــوم .. 25 .. يــاتــرى هــنــكــمــل.

انـــا مــصــرى انـــا حـــــر

وشرفك يا بلدى لتبقى يا بلدى حياتك هيا عمرى وقدرك هوا قدرى حرية على طول الزمان حب حب وسلام فى أى مكان ؟؟.

ثــــــورتـــــنـــا ســـلــمــيــه

وشرفك يا بلدى سحابة وتعدى وبرضة أنتى بلدى مهما عملوا يا بلدى فيكى أحنا ليكى احنا بيكى دا أحنا ياما خدنا منك ... فيها أية لو يوم نديكى .

ثـــــــورة شـــعب ... ســـلـــطـــة شــــعب

فــــى انـــتـــظار 25 يـــنايـــر 2012.

مــــيــدان التـــحـــرير

هـــــنا اتـــــولــــد حــــلــــمــــنــــا.

Saturday, July 28, 2007

هتقبل هحبك ... هترفض هلبك

القصيدة دى منقولة قبل اى حاجة
الرئيس يخاطب شعبه الحبيب :
يا شعبي حبيبي يا روحي يا بيبي يا حاطك في جيبي يا ابن الحلال
يا شعبي يا شاطر يا جابر خواطر يا ساكن مقابـر وصابر وعال
يا واكل سمومك يا بايع هدومك يا حامل همومك وشـــــــايل جبال
يا شعبي اللي نايم وسارح وهايم وفي الفقر عايم وحاله دا حــــال
أحبك محشش مفرفش مطـــــــــــنش ودايخ مدروخ وآخر انسطال
أحبـك مكبـر دمـــــــــــــاغـك مخــدر ممشـّي أمورك كـده باتكال
واحب اللي ينصب واحب اللي يكدب واحب اللي ينهب ويسرق تلال
واحب اللي شايف وعارف وخايف وبــالع لســانه وكاتم ما قال
واحب اللي قافل عـــيونه المغفل واحب البهــــــــــــايم واحب البغال
واحب اللي راضي واحب اللي فاضي واحب اللي عايز يربي العيال
واحب اللي يائس واحب اللي بائس واحب اللي محبط وشايف محال
واحــــبك تســـافر وتبعد تهاجــر وتبعت فلوسك دولار أو ريال
واحبك تطبـّل تهـلل تهبـّـل عشان ماتــــــــــــــش كورة وفيلم ومقال
واحبـك تأيــّد تعضــــّـد تمجّــد توافق تنافق وتلـــــــــحس نعال
تحضّر نشـادر تجـمّع كوادر تلمـّع تقمـــــــــــــــــــــّع تظبـّط مجال
لكن لـو تفكـّر تخـطـــط تقـرر تشغـــــللـّي مخك وتفتح جدال
وتبدأ تشاكل وتعمل مشــــــــــــــــــاكل وتنكش مسائل وتسأل سؤال
وعايز تنور وعــــــايز تطور وتعملـــلي روحك مفرد رجال
ساعتها هاجيبك .. لايمكن أسيبك وراح تبقــــــى عبرة وتصبح مثال
هابهدل جنابك واذل اللي جابك وهيكون عذابك دا فوق الاحتمال
وامرمط سعادتك واهزأ سيادتك واخللي كرامتك في حالة هزال
هتلبس قضــــــــــية وتصبح رزية وباقي حياتك تعيش في انعزال
.. هترفض هلبـّك هتقبل هاحبك هتطلع هتنزل هاجيبلك جمااااال

رسالة هزلية الى الرئيس


بسم الله الرحمن الرحيم
بعد حمد الله والصلاة على نبية فانى ارسل خطاب الى رئيس الجمهورية محمد حسنى مبارك اناشدة بكل ذرة من الرجولة تجرى فى دمة ان يخلصنا من الشبح الذى يطاردنا بأسم الاخوان المسلمين فهم السبب فى كل شئ سيئ فى دولتنا فهم السبب فى سفاح المعادى وهما وراء احتلال العراق وعلى فكرة الدكتور مصطفى الفقى قال ان امريكا وايران والقاعدة مسئولين عن مقتل السفير المصرى وبكرة يكتشفوا ان الاخوان مشتركين فى قتلة واللى اكتر من كدة اكيد ان موجة البرد اللى عدت وموجة الحر الشديد اللى احنا فيها من تنظيمهم واكتر واكتر انفلونزا الطيور كان هم اللى دخلوها مصر لان الامام حسن البنا مش كان بيحب الفراخ وتقل دم العيال اللى فى ستار اكاديمى مخطط اخوانى أصلهم إرهابيين وعايزين يكرهوا الناس في الفن
وهم اللي أعدموا صدام
وهم اللي عملوا مذبحة حلابجة أصلا
وهم اللي عملوا كارثة تسونامي
وهم اللي طقشوا القطارات في بعض
وهم اللي ربطوا العبارة في حبل وشدوها قامت غرقت
الضفادع البشرية بتاعتهم هي اللي سلتت العبارة في البحر
أصله تنظيم إرهابي إرهابي
وهم اللي عملوا السحابة السودا
وهم اللي بيحرقوا الرز
أصل سيد قطب ما كانش بيحب الرز
وهم اللي غرروا بأولمرت وخلوه يضرب لبنان
وهم اللي خطفوا شاليط
وهم السبب في هزيمة سبعة وستين
وتاريخهم أسود
هم السبب في زلزال اتنين وتسعين
وهم السبب في السيول
والقاضي اللي حكم ببرائتهم مش عارف مصلحته كويس
ومسيره يراجع نفسه ويعرف إنه غلطان غلطان
ويندم على عملته السودا
هو أصله مش عارف الناس دي لو خرجوا
بعد ما اتسجنوا واتبهدلو
وفلوسهم اتصادرت
ممكن يعملوا إيه؟
دول ممكن يروحوا البيت ويناموا
ولعلمكوا لما بيناموا هيزعجوازوجاتهم
وممكن طفل رضيع ما يعرفش ينام كويس
وممكن يقوم مفزوع من شخيرهم
وممكن الفزعة دي تجيب له القلب
أو السكر
أو ضغطه يعلا
وساعتها، ح يعيش طول عمره بمرضه
وممكن مرض القلب ده يخليه ما يعرفش يتجوز
وعيل من العيال دووول يطلع إنه يقرب للقاضي اللي حكم ببراءة خيرت الشاطر وزملائه
وفي اللحظة اللي ح ينهار فيها القاضي
يجيله صوت ضابط الأمن وهو بيقول له : كما تدين تدان يا سعادة القاضي
شفت ياسيادت الريس هما عملوا كل دة وعاملين شعارهم الاسلام والاصلاح طب وفين الاصلاح دة حضرتك هو الاصلاح كلة انت اللى عرفت الناس معنى الديمقراطية واصلاحك كتير فى البلد فرص العمل كتير للشباب ورغيف العيش كبير وموجود ومن غير منقف فى الطبور والمواصلات فاضية والاتوبيسات كتيرة والاسعار رخيصة جدا كتر خيركم والله ..... ونأمل انك تورث الحكم لابنك جمال نعم الذرية الحاكمة ونحن بئس المحكومين احنا اللى بنعكنن عليكم احنا مالنا والرئاسة
وشكرا ....

Friday, July 27, 2007

زهقنامن النعيم


نظرا لأن النعمة فاقت حدها
ولأننا مش قدها
ولأن فعلا أنجازاتك
فوق طاقتنا نعدها
ولأننا غرقنا فى جمايل
مستحيل حنردها
نستحلفك ....... نسترحمك
نستعطفك .......نستكرمك
ترحمنا من طلعة جنابك
حبتين
عايزين نجرب خلقة تانية
ولو يومين
أسمع بقى
إحنا زهقنا من النعيم
ونفسنا فى يومين شقى
عايزين نجرب الاضطهاد
ونعوم ونغرق فى الفساد
بينى وبينك حضرتك
دا شعب فقرى مايستحقش جنتك
أنا عارفه شعب ماينفعوش
إلا شارون وبلير وبوش
عايز يجرب الأمتهان
ويعيش عميل للأمريكان
بيمد "غازه" لأسرائيل
ويومين كمان ويمد نيل
أهو يعنى نشرب مية واحدة
ندوب فى بعض
ماء وماء وماء
ونفض سيرة الانتماء
وبلاها نعرة وطنطنة
تبقى البلاد "مستوطنة "
(متسلطنة بالسرطنة)
إية اللى خدناه م الكرامة
والإباء
حبة خطب وكلام...كلام
إحنا راهنا على النظام
ورضينا بخيار السلام
(بخيار)
حنسد عين الشمس بيه
علشان مايطلعش النهار
ويطلع لمين؟
حبة معارضة مغرضين؟
وحسب بيان السلطة
شلة مأجورين؟
ياعم فضك سيرة
وارضى بقسمتك
دا شعب مش فاهم أكيد
يالا أطرده من رحمتك
وإن كنت غاوى الحكم
خليك مطرحك
هاغطس واقب وأعود
بشعب يريحك
راضى وعمره مايجرحك
أخرس ومايسمعش
وأعميلك عنيه
مش كل قرش يبص فيه
مايقولش لأه /وفين / وليه
يضرب ينفض فى السليم
وعلى الصراط المستقيم
كل اللى يعرف ينطقه
عاش الزعيم
يحيا الزعيم

دول عصابة يابا


دوول عصابة يابا
بيشربوا دم الغلابة
ويا كلوا لحم المطحونين
بتقول يامين
أصل دينهم يرضى سيدهم
والغلابة ميرحموش
إياك فى يوم تكشف ورقهم
أويحسوا انك شايفهم
تبئى ليلتك ذى وشك
ويوم عيالك يبقى طين
***
انت مين والا ابن مين
ابن واحد م العصابة
والا شيخ الغلبانين
***
ما انت عارف ان سيدهم اصله بره
بيبيعوا له كل حاجة
وفى كل بيعة بيخدوا حاجة
ما انت شايف كل حاجة
وابقى قول على أى حاجة
***
السجون فى كل ناحية
والقانون بيفصلوه
والمحاكم عسكرية
وف اديهم كل حاجة
والشطارة والامارة
بيحبسوهم من غير أمارة
***
أصل سيدهم بيساعدهم
وبنفوذه بيحمى سوطهم
ولما غار فضلت عصابته
لبسوا توب اولاد بلادنا
وهما أصلا مستعربين
واحنا منهم مستغربين
هما مين واحنا مين
***
هما بيكلوا لحمى ضانى
وبيسكونوا فوق فى العلالى
والركوبه صنع بره
واحنا زيتنا بيقلى فولنا
والمقابر هى بيتنا
والركوبة بتمشى عكسى
لو لقيتها فى يوم ياخويا
***
والعيال ولاد ولادهم
القصور محجوزة ليهم
والوزارة والسفارة تركة أبوهم
والمصانع والاراضى بينهبوهم
والعيال الحلوة ضايعة فى الحوارى
بعد ما خسروا أبوهم
طول حياته شقيان عليهم
مره بره ومره جوه حتى العراق
...... ما خربوها
وكل حاجة حجزنها ليهم
حتى العيال للطحن فينا بيجهزوهم
واوعاك تعارض فى يوم ياخويا
أصل المحاكم عند العساكر
من غيرقانون
حيسجنونا

هل عُدّل الدستور؟!

يا مصر رغم القهر كوني دائما متذكرةْ
ما عدّل الدستور الا من نظام حقّرهْ
ولأجل ان يبقي الفساد محصناً قد غيّرهْ
ولكي يبيح كرامة الشعب المكافح زوّرهْ
ولكي يملّك للعدي اوطاننا قد دبّرهْ
فيسلّسل الشرفاء في ايدي قضاء عسّكرهْ
ويصاحب استبداده ولحكمه قد دسترهْ
فقوافل الافساد لن تحتاج الا معبرهْ
يا مصر ما الدستور عدّل للشعوب المجبرةْ
نار البطالة والعنوسة لم تزل متجبرةْ
ومكارم الاخلاق تهدم والرذيلة مشهرةْ
حتي لصوص الامن قد جعلت حقوقك مهدرةْ
لتري انبطاح العدل والحرية المتعثّرةْ
وتري الشباب يضيع والاحلام ليست مثمرةْ
وتري ممات الحق مهما كان صبرك صبره
يا مصر والدستور ليس مطبقا لنغيرهْ
سأقول في أذن الوري.. قصص النظام مدبرةْ
وعقول من قد زيّفوا دستورنا مستهترةْ
في السر تدري ان اطماع العدي مستنفرةْ
لكن ستعلن ما سيحزن أرضنا المستعمرةْ
وبخدعة سنري انتخابات البلاد مزوّرةْ
فتذلّ أعناق القضاء وذلها ما أخطرهْ
وتوطن الفوضي وتسكن في قلوب مقفرةْ
ويحمل الانسان رغم القهر فوق المقدرةْ
يامصر هيا علمي شعبي فحزنك سهرهْ
والحرّ يعرف من يكون امام ذلّ حيره
واذا الاباء علي احتمال الصبر دومااجبرهْ
للشعب رأي اخر..والظلم دوما اخرهْ
فاعطيه حقا لا يذيق المفسدين المغفرةْ
فالشعب لو كشف النظام وظلمه لن يسترهْ
يا مصر مهما قلت جاءت صرختي متأخرةْ
فالحكم من قصر الرئاسة عندنا للمقبرةْ !!!!!!
لكنني أبقي إبائي وانتمائي معذرةْ
والحق مهما كان جمرا في يدي لن أخسرهْ
والله مهما الظلم ظلّ مخلدا لن ينصرهْ

مسامحينك

يا نني العين يا محروسة
خدي بوسة على جبينك
عشانك منداسين دوسة
يا ريتنا بس عاجبينك
وآدي قلوبنا مفروسة
ورح نمسح دموع عينك
بتنخر في العضام سوسة
بينشرها عدوينك
ما تصحي لشلة موكوسة
طابور خامس وبيهينك
بتزرع في الغيطان كوسة
وبالمجان وبايعينك
بحبك محتاسين حوسة
عشان احنا اللي عارفينك
بتلعب شلة مهووسة
في ودنك عنّا حاجبينك
وناسك اللي مهروسة
حدادي الأرض خاطفينك
من الأحلام وموروثة
وموش عارفة اللي ظالمينك
وناسية إن اننا ولدك
وأنا اللي زبيبة في جبينك
وما قصّرت في ودّك
وفاكرة اللي خادعينك
وبتباركي اللي بيهدّك
نسيتي انه أخد عينك
على رجليك بيمدّك
وشركاته اللي بالعينك
أنا باقي على ودّك
باخضّر في فدادينك
أنا ناوي أقيم حدّك
وأصبح لك فدا دينك
وأبقى للطوفان سدك
هاصونك من ملاعينك
ومين غيري على قدّك؟
ومين غيري ملا عينك؟
مانيش سايب على خدّك
نزيف الدمع من عينك
أنا حسابك أنا عدّك
على هجرك مسامحينك
أنا هزارك أنا جدّك
أنا بسمة على جبينك
أنا سطورك وكراسك
أنا وردة بساتينك
أنا سلمك أنا رصاصك
أنا قمحك أنا تينك
أنا منّك بقية ناسك
أنا موش م اللي سايبينك
أنا هافرم وضيع داسك
أنا صفرك ملايينك
أنا يا حبيبتي أنفاسك
أنا دمّك شرايينك
ده إمتى ترتبي راسك
ويتحرر مساجينك؟
وإمتى تشوفي حرّاسك؟
وتدّيهم عناوينك
ونفسي تحضّري فاسك
عشان تخضّر وتزينك
وليه سبتي الوضيع باسك؟
وهمّة دول ملاوعينك
أنا ماشي في نبراسك
وبامسح لك دموع عينك
وعايش كل إحساسك
وهافضل من محبينك
واعالج لك في وسواسك
ومن مجموعة خانقينك
يا نني العين يا محروسة
متين بوسة على جبينك
أنا مجنون يا محبوسة
وعاقل من مجانينك
وتايه بين إيدين أمّه
وباصرخ في الفضا فينك؟
ونفسه تشيله وتضمّه
وبادعي ربنا يعينك
وبادعي ربنا يعين

عم احمد فؤاد نجم

احمد يانجم يافذ اللسان
بقولها بصراحه
ويشهد زمان
بحبك لانى
بحب الحقيقة
وصوتك فى ودنى يهز الكيان
احمد فؤاد يانجم الغلابة
يارمز العنا
د يانبع الطيابة
ياروح التحدى
ومعنى الصمود
تلم الاحبة
ولو وسط غابة
وحياة ابويا
بحب ابن ابوك
ولو خيرونى
لاصبح اخوك
ويسقسنى شعرك
ويكتر كلامك
واسعد لانى عيونى شافوك
احمد يانجم يانجم الغلابة
احمد فؤاد يافذ اللسان

Twitter Delicious Facebook Digg Stumbleupon Favorites More