احلى تحيه لابو علاء ( الحج حسنى )

السلام عليكم ورحمه الله وبركاته

النهارده يا جماعه انا جيب ليكم قصه جميله اوى وفى شباب كتيييييييييير اوى

هايشوف نفسه فيها ودى نقلا عن هشام صاحبى

==========================

نبتدى على بركه الله بسم الله الرحمن الرحيم

انا شاب عادى جدا من اسره متوسطه زى الاف الاسر

والدى اتوفى وانا صغير والحمدلله قدرت اكمل تعليمى لغايه ما اخد معهد كمبيوتر

ورحت عملت الاعفاء عن الجيش عشان انا الوحيدودلوقت بقيت جاهز عشان اشتغل

وجريت وره كل الشركات حكوميه وخاصه وبعت ورقى فى كل حاجه

وربنا ماقدرش وماكنش ليا نصيب فى انى اشتغل قولت طيب بلاش الكلام

و بعض الناس شاروا عليا انى اخد قرض من قروض الشباب واعمل مشروع

.قولت فكره كويسه اروح افتح شركه كمبيوتر فى مجال دراستى والمجال اللى بفهم فيه

رحت سالت على القرض قالى فى جهتين بيدوا القروض ( القروش ) دى الشئون الاجتماعيه - والمحافظه

رحت اشوف الشئون الاجتماعيه قالوا ليا بعض الشروط والارواق اللى لازم اجيبها اتفرجوا بقى على الشروط=============================

1 - عقد ايجار المحل على ان يكون موثق من الشهر العقارى 3 صور

2 - عقد ايجار السكن او ايصال النور 3 صور

3 - السجل التجارى 3 صور

4 - رخصه مزاوله المهنه 3 صور

5 - البطاقه الضريبيه 3 صور

6 - عدد 2 ضامن

7 - صور بطاقات الضامنين 3 صور

8 - صوره بطاقه صاحب المشروع 3 صور

================================

هى دى الشروط

طيب تعالوا نحلل الشروط كدا مع بعضهما عايزين منى

اروح اخد القرض وانا معايا المكان والرخصه والسجل التجارى والبطاقه الضريبيه .

يعنى من الاخر عايزينى اروح ليهم ومعايا شركه كامله

طيب ما انا لو معايا الشركه هاروح ليهم ليه

قولت طيب مش مهم اسالهم طيب انتوا كدا هاتعملوا معايا ايه لما انا اجيب كل ده

قالوا هانساعدك ونصرف ليك قرض 5000 الاف بس

مش هاتخدهم فلوس هاتخدهم جهاز كمبيوتريعنى انا الشركه كلها معايا ومش عارف اشتغل من غير جهاز

ونبى حكومه فاضيه ودماغها رايقه

========================

قولت طالما كدا يبقى بلاش الشئون الاجتماعيه دى وخلينا فى المحافظه اكيد بتحس بظروف الشباب اتفرجوا بقى على شروط الحكومه ==========================

1 - الشهاده الدراسيه2

- الحاله من التجنيد

3 - عقد ايجار المحل على ان يكون موثق من الشهر العقارى4

- السجل التجارى

5 - رخصه مزاوله المهنه6

- البطاقه الضريبيه

7 - عدد 2 ضامن

8 - صور بطاقات الضامنين

9 - صوره بطاقه صاحب المشروع

================================

طبعا انتوا فاكرين الشروط دى من شويه ولسه محللين الموقف مع بعض

قولت برضه بلاش نتشائم ونسال هاتعملوا ليا ايه بالظبط هاتجيبوا ليا جهاز كمبيوتر برضه زى الناس التانيه

قالوا ليا لا طبعاانت هاتاخد فلوس فى ايدك قولت احمدك يارب كويس وجه فى بالى استلف فلوس

اعمل بيها الاوراق اللى فاتت واول ما استلم القرض اسد كل ديونى

بقول للراجل اوك انا موافق احضر كل الورق ده خلال اسبوع

اسمعوا بقى رده بيقولى ايه بقى خلاص ماشى هات ورقك بس خد بالك انى ممكن القرض يتاخر شويه صغيره

بقوله قد ايه يعنى كدابيقولى هاتاخد دورك وره الناس اللى مقدمه

يعنى هو فى ناس مقدمه من 8 شهور لسه مش استلموا يعنى انت هاتتاخر وراهم عشان انت لسه مقدم

يعنى داخله فى سنه ونص كداخدوا بالكم انى كل ده انا عندى ايجار مكان بيعد عليا وانا قاعد شغال بواب على الباب بتاعه

ا=============================

بزمتكم انتوا ايه رايكم فى الكلام دهوايه رايكم فى الحكومه بتاعتنا اللى حاسه بمعاناه الشباب

بقياده الزعيم المبجل الغالى على قلوبنا القائد ابو علاء ( الحج حسنى مبارك )

============

اتفرجوا بقى على الحكومه بتقول علينا احنا الشباب ايه

قولنا نقعد من غير شغل ونقضى ايام

\ قالوا علينا شباب مش بتاع شغلقولنا نشتغل وندور

\ لقينا الحكومه مش عايزه تشغلناقولنا نسكر ونشرب مخدرات عشان ننسى

\ قالوا شباب بايظقولنا نصلى ونصوم وخلينا مع ربنا وبس

\ قالوا علينا ارهابيين ويرمونا فى المعتقل

====================================

طيب نعمل ايه احنا الشباب بجد مش عارفين

وياريت لو حد عنده ربع اجابه على كلامى يجاوبنى

وربنا يهدى

اخوكم فى الله : هشام

نقلها لكم:احمد(مواطن زهقان)

Posted in: