التغيير: عملية شديدة الاهمية,تتم للطفل لما يكون مبلول
غسيل الاموال: اسوأ ما يمكن ان يحدث اذا نسيت المحفظة فى البنطلون قبل ما ترميه فى الحمام
!عملية السلام :زى عملية اللوز بالظبط , بتنتهى برمى اللوز فى الزبالة
سلام عادل وشامل: طيب عادل وعرفناه , مين شامل ده؟
الطهارة :عملية معروفة عند المسلمين و اليهودطهارة اليد عملوها ازاى دى ؟
الخصخصة: تحدث فى الحدائق يوم شم النسيم , مع اكل الفسيخ و الملوحة
!الارهاب: نوع من السلطة يقدم مع الكباب
رجال الاعمال: اشخاص يعملون على فك الربط للرجالة وعمل الاعمال
عصر المعلومات :عصر يمكنك فيه ان تحصل على ما تريد اذا دفعت المعلوم
سياحة الأثار :خروج الاثار مع الخواجات من مصر للفرجة على العالم
قصور الثقافة :لا يزال وزير الثقافة يبخث عن السبب وراء هذا القصور
المؤامرة الصهيونية :ماركة جديدة من الشماعات نعلق عليها ثيابنا و اخطائنا
العمل بالسياسة: يمارسه من يعمل سايس بجراش
البيئة :شتيمة يطلقها الشباب على الطبقات الفقيرة
صندوق النقد: ما يفرقش كتير عن صندوق الزبالة
التعمير :عملية تتم فى الغرزة
قطاع الاعمال :زى قطاع الطرق بالظبط
التربية :قديما كانت تقوم بها وزارة التربية والتعليم,الان يقوم بها تجار المواشى
شهادة الايزو: شهادة مضروبة, بيشتروها زى الفلاحين ما بيشتروا شهادة محو الامية ويدفعوا فيها كيلتين دره
!احمد زويل: صنع فى مصر ,بس متجمع فى امريكا
16 التعليقات:
البوست رائع والمصطلحات رائعة ،ولو عندك من الحاجات الجامدة دي كتير طب ما تفكر تعمل قاموس
و علي فكرة القلوب عند بعضها و انا كمان حبيتك
و بالنسبة للأميل أنا ضيفتك عندي خلاص في الاميل بعد ما سمحت لنفسي أني أوخذ أميلك من تعليقك في مدونة أخي و صديقي عبد الرحمن
ولو عايزه تاني فهو
ahmed_salah009@yahoo.com
جميله جدا
بس يا ريت تشير إلى المصدر الأصلى
إلا إذا كنت إنت اللى مؤلفها طبعا
مصطلحات تمام
والبركة في ..اللا.. نظام
أبو صلاح
انا قبلت اضافتك ياباشا
الدرويش
شكرا على مرورك
الدكتور
شكرا على مرورك اللى شرفنى فى مدونتى
والبركة فى النظام
اية المصطلحات الجامدة دي
احلي حاجة فيك سيدي المواطن
الزهقان الحران اني حاسس انها مش فارقة معاك
وانك وانت بتكتب في البلوجر دة بتبقي مقطع بطاقتك
انا ضفتك عندي زي ماقال اخي
ابو الصلح
ودة اميلي
pepo_loveart2000@yahoo.com
ولا عندك حق
انت بتكون قاعد معايا ولا ايه وانا بكتب
مش عارف يمكن للتشابه بينا انا وانت وابو صلاح
يمكن
حلوة اوى كالعادة عقبال الجزء الثالث
ضحكتنى اوى
بس مفهمتش معنى الخصخصه
ههههههههههههههههههههه
جامده مووووت
بجد اعمل قاموووس
ياسمين شكرا على المرور
مش انتى لما بتشوفى حاجة
وحشة
بتقولى اخص عليها
هههههههه
محمود
باشا
مش توصل لدرجة القاموس يعنى
مش عارفه انا مش مقتنعه
انا اما باكل فسيخ مش بقول اخص عليها
انا بحبه
هههههههههههههه
جميله قوي المصطلحات دي
أعتقد أن أكثر ما يميزها أنها مصريه تماما
نو مشكل ياقمر انا بقا مابكلوش
وانت ياشاب ياروش
ميرسى ياباشا
فعلا مصرى على حق
صباح الفل ايها الزهقان
حلوة حلوة
جوووول
بتفكرني بأيام الجاموس المحيط لبلال فضل
ربنا يوفقك
بجد اسعدنى وجودك يامروة
فى مدونتى والله
البوست يجنن
بجد جميييييييييييييل
تحياتي لدماغك المتكلفة
دماعى متكلفة
ههههههه
تسلم ياباشا والله
Post a Comment
شوف انت عاوز تقول ايه