التنوير : عملية تتم في الشوارع عندما يسكنها وزير.
العولمة : عملية تحول اجتماعي وثقافي وفني تمارسها فيفي عبده.
الشفافية : سمة ضرورية للملابس المستخدمة في العولمة.
الجات : مصيبة و جات على دماغنا.
النظام الملكي : عند وفاة الملك ينتقل الحكم لابنه ليصبح هو الملك الجديد.
النظام الجمهوري : عند وفاة الرئيس ينتقل الحكم لابنه ليصبح هو الرئيس الجديد.
المبايعة : ورقة تكتبها لما تبيع سيارة قديمة.
الدستور : كلمة تقال للحماية من الاسياد لما الواحد يدخل بيت مسكون.
الديمقراطية : نوع من الفنون الزخرفية يستخدم لتزويق صورة الحكومة.
القانون : آلة تصدر أصوات جميلة لما تـلعـب عليه في حفله.
الحرية للجميع : للشعـب ان يقول ما يشاء ، وللحكومة ان تـفعـل ما تـشاء.
حرية النشر : تمارسها النساء عـلى السطوح في المناطق الشعـبـية.
الدبلوماسية : احسن هدية تصالح بها مراتك بس بشرط الألماس يكون حر.
الصراع الطبقي : خناقة كل بيت على مين اللي يغسل الاطباق النهار دة.
حرب الشوارع : قيادة سيارة في شوارع القاهرة.
العمل الثوري : مذكر العمل البقري.
الشريط الحدودي : الشريط الجاي لعمرو دياب.
الوحدة العربية : ان تعاني كل دولة عربية من الشعور بالوحدة!
حرب التحرير : معركة شهيرة يخوضها كل من يريد استخراج جواز سفر من مجمع التحرير
7 التعليقات:
ههههههههه
مصطلحات جامدة
ربنا يجزيك خير
وعاوز أقول حاجة مهمة
هي فعلاً المصطلحات دي بتتنفذ بالمعني اللي انتا ذكرته
مش بمعناها الأصلي
معاذ الحوت
http://www.mo3z.blogspot.com/
شكرا ياباشا على تشريفك مدونتى
حلوة اوى بجد
من احلى الحاجات اللى قريتها هنا فى مدونتك
تضحك اوى دمها خفيف
انا شايفه ان ها فى ناس بدأت تدخل عندك اهوه ماشي ياعم معتش حد قدك
ربنا معاك
ماشى ياياسمين
خمسة وخميسة
من غير حسدد
والحمد لله ودا
ايجه بعد صبر والله
وشكرا لتشريفك
البوست اللى ضحكك قوى دا
الله أكبر
إزيك يا شرقاوي ؟
لسه زهقان
مصطلحات هايلة وجميلة ومبتكرة
عجبتني العمل الثوري ..حلوة ! ا
ربنا يوفقك
معلش ..
أنا لمحت في ردك على ياسمين ايجه هههههههههههههه
لا لا لا انت كده شرقاوي فعلا ! أصله مصطلح اكسكلوسيف
ماتبعت التدوينة للدستور ...؟فكر
dostourmail@yahoo.com
بالتوفيق
شكرا يامروة ياشرقاوية على تشريفك ليا وسيتم ارسال التدوينة للدستور
Post a Comment
شوف انت عاوز تقول ايه