وهاجاوبه
برغم ان انا بعتله تاج على الميل من زمان وماجاوبش عليه
لو قالولك اختار عصر من عصور مصرعلشان تعيش فيه تختار اى عصر و فى عهد اى حاكم .. واشمعنى؟
انا كان نفسى احضر عصور زمان الناس اللى كانت بتقدر الادب دى وتحترمه عصر من
عصور ازدهار مصر
ايام قطز او صلاح الدين
لانهم بجد كانوا عادلين فى كل شىء
اول اولويه فى حياتك عيلتك ولا شغلك ولا اصحابك؟
الاولوية لعيلتى طبعا لانها اللى انشأت شخص
عشان يشتغل الشغل دا
ويتعرف على الاصحاب دول
ايه اكتر حاجه بتحبها فى رمضان؟
التجمع بتاع العيلة بنتجمع على طول
وبتكون حاجة جميلة جدا غير كد
بحب الناس وهما فى رمضان بيكون كدا كل واحد فى حاله بيعبد ربنا
والمساج مليانه ناس كدا
ولا صلاة التراويح اللى حكاية
اوصف ليا اجمل فطار ممكن تفطره
اجمل فطار ممكن افطره لما
يكون فى اللمة
مهما كانت اللمة
صحبه
اهل اى حد اصلها بتكون حلوة قوى
مش مهم بقا بناكل ايه
لو انت حاكم على مجموعه من الافراد هتكون عادل؟؟ طب هتعمل ايه عشان تتأكد انك حاكم عادل؟
هوة مفيش حد يقدر يحكم على نفسه انه عادل ولا لا
الناس اللى حواليه هما اللى يحكموا
وهقول زى ماانت قلت اللى شاف الظلم وجربه
عمره ماهيظلم ابدا
والدوة المظلوم لاترد
اللى بيبوظ الحكام .. نفسهم؟ ولا الشعب؟ ولا الحاشيه المقربه؟
مش فى كل الاحوال بيكون الحاكم او الشعب او الحاشية
بس لو الحاكم عنه استعداد للظلم اكيد هيظلم
اما الشعب بيكون السبب منه لما يسكت على الظلم دا
اما بقا الحاشية هيا دى السبب فى كل حاجة يعنى
جمال عبد الناصر كان مية مية بس الحاشية بتاعته
وكمان على فكرة الملك فاروق كان كويس بس الحاشية بتاعته
يعنى ممكن يكون السبب من التلاتة
مين أكتر اعلامي مصري بتحترمه؟
انا بحب
ابراهيم عيسى وحمدى قنديل ومحمد احسان عبد القدوس
قريت ديوان عمر مصطفى صاحب بلوج تجربه " اسباب وجيهه للفرح" عن دار ملامح و لا لسه ؟؟ لو اه ايه رايك فيه؟؟
لا .. ما قريتوش
لو ممكن تشتغل شغلانه تانيه غير اللى انت بتشتغلها او كنت بتشتغلها كنت تتمنى تبقى ايه؟
انا مش بشتغل اساسا انا لسة طالب
لكن لو هشتغل مش هشتغل غير فى مجال الاعلام
يعنى مذيع او صحفى
ايه تانى بلد تتمنى تعيش فيها بعد مصر؟
فرنسا ومحدش يسالنى ليه
اوصف ليا ترتيبات اجمل فرح ممكن تحضره
مش مشكلة عندى الترتيبات اهم حاجة اللمة زى ماقولت قبل كدا
وخصوصا ان اللمة دى بتحب بعضها
بتراعي كلام الناس والقيل والقال؟ لو اه او لو لا قول لى ليه؟
لا طبعا لانه مايهمنيش
انا بحب اعمل اللى فى دماغى وكلام الناس دا مش هيقدم ولا هيأخر
صحيت من النوم ما لقيتش الموبايل ولا الكمبيوتر ولا الكاميرا الديجيتال ولقيتنا رجعنا لعصر الحمام الزاجل والحصنه هتكون سعيد؟
هكون سعيد جدا جدا جدا
لانى اساسا بحب العصور دى
ويعنى الناس اللى كانت عايشة فى العصور دى
برده كانت عايشه من غير الحاجات دى يعنى نقدر نعيش
السعاده هى؟
فى اسعاد الاخرين ورضا الله
عندك أمل ؟؟ أسبابك ؟
اكيد عشان لو بطلنا
نحلم نموت
وغير كدا انا لسة مابتداتش
لما تحب تهرب من كل شئ بتروح فين؟
بتمشى فى شوارع المحروسة او فوق سطح البيت
امتى أول مره خدت فيها نفس طويل كده وقلت بينك وبين نفسك يااااه الظاهر انا فعلا كبرت؟
تصدق لو قلتلك أول ما أختي نيرة الصغيرة نادتني بـ .. آبيه أحمد
وكمان لما بدات اعمل المدونة
لما بتعمل عمل خيرى بيكون ايه هو دافعك الاول؟
طبعا رضا الله واسعاد الاخرين
عشان انا اكون سعيد
بتشرب سجاير؟ لو الاجابه اه ايه شعورك لو شفت ست بتشرب سجاير؟ وليه ؟
لا الحمد لله دا انا قائد نشىء يعنى من واجبى
النصح ضدها
اما البنات بقا اللى بيشربوا سجاير انا بقا مش بااحترمهم
مش عارف انا بقا الدافع ورا دا ايه
عشان يقلدوا الراجل يعنى ولا ايه
بتعرف ايدك اليمين من الشمال ازاي؟
حفظتهم
ايه اكتر اله موسيقيه بتحبها ؟ ايه اكتر اله موسيقيه بتحبها ؟
الجيتار والاورج لانى بعرف اعزف اورج بس مش جامد يعنى
نص نص
فى رأيك ليه الذوق والنخوه اتعدموا؟
مااتعدموش لكن قلوا
ايه الحاجه اللى لو حصلتلك تبقى سعيد قوى؟؟؟
اساعد محتاج وواحد يقولى بحبك فى الله
تختار يبقى عندك...ارض زراعيه ولا اجنس عربيات و لا كام عماره و لا فلوس فى البنك؟؟؟؟
لا الارض الزراعية لاننا اساسا عندنا اراضى وغير كدا
الارض هيا اللى هتجيب كل دول
البحر و لا النيل؟؟؟
النيل لانى بحبه جدا مش عارف ليه بالرغم ان انا مابشوفوش على طول
مركب و لا طياره؟؟
طيارة لانها فيها راحة
مجنون و لا عاقل؟؟
ماعرفش بس فى بعض التصرفات ممكن تقول
عليها مجنون
تقرأ كتاب و لا تتفرج عليه فيلم؟
الكتاب لانه هيفدنى اكتر
وانا بجرى ورا الافادة
بتمرر التاج لمين؟؟؟
26 التعليقات:
ازيك يااحمد
على فكرة انا سبقتك فى الاجابة على التاج ده وفيه ناس من اللى انت اخترتهم علشان تمررهم التاج انا اخترتهم برضه
بس تقريبا امبارح مكنتش مركزة الص عملت البوست درافت بدل مااعمله publish
عموما ردودك متشابهة مع ابو صلاح تقريبا انتم نفس الشخصية
المهم اخبار المذاكرة ايه معاك
إجاباتك جميله اوى ولذيذه
بجد بتدل على شخصيه جميله
وحلو اوى الجو الرمضانى اللى بالمدونه ده
كل سنه وانت طيب وبخير وسعاده
بعد السلام عليكم
أولا ياأبو حميد .. عايز أقولك أنك واحشني ، ومعلش أنا مقصر معاك الفترة دي لكن غصب عني
ثانيا بمناسبة التاج اللي أنت بعتهولي علي الأيميل
فكفاية أني أقولك .. عارف آخر مرة دخلت علي إيميلي أمتي؟؟؟
لما كنت باكلمك علي الشات ، ومن ساعتها ولا فتحت الأيميل
طبعا أنا دلوقتي خلاص شوفته ، وشاكلك كده زعلان مني وفكرني نفضت
وياريت متزعلش .. والله لو كنت أدتني خبر في مدونتي مكنتش هأتاخر
عامة هوه التاج ده هيروح فين مني .. بس أستني شوية لحسن ده أصعب من اللي فات أوي
ندخل بقي علي التاج
طبعا مش جديد عليك أن أجاباتك تبقي جميلة
أن شاء الله نشوفك إعلامي كبير جدا .. و تسافر فرنسا عشان متزعلش
طبعا التاج خلانا أتعرف عليك أكتر ، وأعرف أنك أنسان جميل
وطبعا شرف كبير ليي ماذكرته ياسمين عن تشابه ردودنا ومن ثم تشابهنا
وياريت تتطمني أنك مش زعلان
تحياتي
وكل تاج وأنت طيب
الف مبروك التاج يا عم الزهقان
بس انا سبقتك وجاوبته
لك كمان
يعني المفروض بقى تجاوبه كمان مرة
التاجات دي بتكشف
ان في بينا كلنا حلقات وصل
او نقدر نقول نقاط التقاء او تشابه
وفي اختلافات
اجاباتك قاطعة وسريعة
ودا بيعكس
انك عارف انت ايه وعايز ايه
كل سنة وانت طيب
ودايما حاسم وقاطع
مش قاطع طريق
قاطع في القرارات
لو الحاكم عنه استعداد للظلم اكيد هيظل
بجد دى كفايه فعلا للرد على سؤال
اللى بيبوظ الحكام .. نفسهم؟ ولا الشعب؟ ولا الحاشيه المقربه؟
ازيك ياياسمين والله وحشتينا
ومشمهمبقا انا سبقتك
والمذاكرةتمام قوى معايا
وانا اتشرف انى اشابه ابو صلاح
فى الشخصية
تسلمى يادودو يارب
والحمد لله
انا رمضان بتاع المدونة عجبك
ياعم مفيش زعل بين الاخوات
ولا ايه انت رايك
انا كنت مقدر انك مابتفتحش الميل
انا عارف دا
وغير كدا دا انا اتشرف ان شخصيتى
تميل لشخصيتك الى حد ما
وطبعا انا مابزعلش من حد يااحمد
بسهولة
تانى لا اجاوبه تانى فين
اعتبرينى جاوبته
اما بقا البوقين الحلوين دول
فاانا بشكرك عليهم كتير
ويارب اكون زى ماانتى قلتى كدا
استاذ شوقى سعدت
بوجودك
فى مدونتى
دا الواحد مش شايف امامه اصلا
يقوم يجاوب على تااااج
حراااااااااااام
ازيك يااحمد
انا كنت مررتلك التاج بردة
يلا المهم انك جاوبت علية
اجباتك حلوة
وبجد الارض علي رائيك هي اللي تجيب كل دول بس علي حسب مساحة الارض
نعما ايه بقا يااسكندرانى
ابو صلاح
جابهولى
وانا مقدرش ارفضله طلب
برده التج ليا
مممممم
التاج دا اتبعت ليا كدا
3مرات
بس الحمد لله جاوبته
ايه ياعم
خلتني انهج وراك
اجاباتك حلوة وسريعه ياباشا
كل تاج وانت طيب
باينه موسم التاجات هل ياخوانا ولا ايه
سلام مؤقت
محمد سمير
تقريبا يامحمد
والله كنت عاوز ابعتلك التاج
بس قلت لا حرام
اتبعتله
اجاباتك حلوه يا باشا
بس المفروض ما كنتش تجاوب على تاج ابو صلاح
لانه مش جاوب عليك
ههههههههه
انا بهدي النفوس
********
يا رب تحقق اللي انت عايزة و تسافر فرنسا يا رب
و تبقى مزيع قد الدنيا
بالتوفيق يا زهقان
الا انت زهقان من ايه ؟؟؟؟
.
زيزي
اهلا المجاهد الف مبروك ع التاج و شكرا انك بعت لى اضافه ع الميل عشان نتعرف اكتر
و بالمناسبه ( احنا لسه مش اتعرفنا وده يشرفنى طبعا انى اتعرف بيك ) بالمناسبه دى كنت عاوز اعرض عليك فكرتى فى الاجتماع فى القاهره تالت يوم العيد ان شاء الله انا وانت ومجوعه مدونين للتعارف اكتر فىناس جايه ان شاء الله اتمنى ان تاتى و تشاركنا شكرا
محمد مارو
زيزى
انا واخد بالى من تهدية النفوس دى
وميرسى على الدعوة دى
اكيد اشارك يامارو
متشكر على زيارتك
سلامي لنيرة
:)
كل تاج و انت طيب
اوروفوار
يوصل السلام ياطهقانة
بعد السلام عليكم
الله الله .. ليه كده يازيزي أنت بتهدي النفوس ولا أيه
أبو حميد أوعي تسمع كلام زيزي دي بتهزر ياعم
وتاجك الجميل في الحفظ و الصون وجاري الأجابة علاه
وكفاية أنه منك يا أحمد
وطبعا مش عارف أشكرك أزاي علي كلامك الجميل اللي أنت بتقوله في حقي ده
ربنا يخليك ياأحمد و يدام الصداقة بينا
تحياتي
وكل سنة وأنت طيب
ياعم زيزى بتهدى النفوس
وانا مستنى التاج بتاعى تجاوبه وتمرره كمان
Post a Comment
شوف انت عاوز تقول ايه