Thursday, September 13, 2007

طلع لسانك....وشد ودانك.....احنا هنا علشانك

أطعم مسا عاللي موش فاهمين
طبعاً محدش فاهم العنوان ولا أنا فاهمه والله
المهم أنتوا طبعاً مستنين أني أقول حاجة موش كده
يعني مستنين موضوع عن اي حاجة تهييس سياسة معلومات
موضوع عام فكرة جديدة أو قديم
بس أنا النهاردة جاي كده رخامةاه والله أصل مفيش حاجة نتكلم عليها
هنتكلم عن ايه يعني
أه جتلي فكرةالسياسة
بصوا أنا أتخنقت من السياسة حاجة تخنق
يقولوا ديموقراطية و تطلع ديكتاتورية
يقولوا حرية و تطلع وراثية
يقولوا جمهورية و تطلع ملكية
يقولوا خصخصة و تطلع إيجار جديد
يقولوا حضارة و تطلع خرابة
بس ............... بس................بس أنا كده أروح فداهية
سيبونا من السياسة
نخوش فالمعلومات
هل تعلم أن :التمساح لا يستطيع أن يخرج لسانه.
*قلب الربيان في راسه.*
اكثر من 50% من سكان العالم لم يجروا او يتلقوا مكالمة هاتفية واحدة.*
اذا عطست بقوة، يمكن ان تكسر ضلعا،
و اذا حاولت ان تكتم عطسة، فانه يمكن ان تفجر وعاءا دمويا في رأسك أو رقبتك و تموت،
اما اذا عطست و عيناك مفتوحتان، فانهما سينفجران.*
صوت البطة لا يرد الصدى في أي مكان، و السبب غير معروف.*
كوكا كولا كان لونها في الاساس اخضر
طب و أنتوا مالكوا أنتوا بالكلام ده كله يعني هو أنتوا هتشتركوا فمن سيبرح الميلون بكرة
نخش فالموضوع العام
" ما بين الحب و الإعجاب "عارفين ايه الفرق بين الحب و الإعجاب؟؟؟
هأقلكوا اناالفرق بين الحب و الإعجاب هو أنالإعجاب
أنكـ ممكن تشوف حد يشدك ليه بس بحاجة ظاهرية يعني
مثلاًيووووووووووه الموضوع ده مليون واحد أتكلم فيه
بصوا كده من الأخر مفيش حاجة غير التهييس
و بما إني ملك التهييس أحب أقلكوا أن الحياة حلوةاه والله حلوة
أويعني محدش بأه يخنق حدو كمان محدش بأه بيتطفل علي حد
و برده مفيش حد بأه بيفرض نفسه و سلطته عليك
لأ و ايه البلد مالها البلدزي الفل أهيةالمواصلات جميلة و كلها مكيفة
و الشرطة فخدمة الشعب و اللي جابوا الشعب كمان
و الحياة ماشية هي وقفت يعن
ينخوش بأه فالخصوصيات شويتين
الأهل زي الفل متفاهمين جداًو مدينك الحرية بمعناها المظبوط
محدش بيخنق عليك و محدش برده عامل عليك كبير
و لا ايه أصحابك كلهم زي الفو ل ورجالة
و بيقفوا جنبك وقت الشدةو لا ايه بردك
بصوا بأه من الأخر و خلاصة الكلام كده
أنا موش عارف فيه ايه أنا حطيت ايدي علي كيبوردي
طلعت مني كده
كلمة أخيرة**** لو فى يوم حسيت أنكـ مخنوق متتضايقش علشان أنت أساساً هتكون متضايق
و لو أتضايقت هتتخنق أكتر ****كلمة تاني**** أرفع علطول شعار نفض تعش منتعش ****نورتوني

31 التعليقات:

انا كدا دخلت فى كام موضوع ورا بعض
ياااااااااه
ده انا قريت مواضيع كتير فى بوست واحد
ده البوست الشامل صوح
كل سنة وانت طيب ياباشا

هو دا البوست الشامل

التهييس واضح واضح

هو انا معلوماتي انها

طنش تعش تنتعش
وكمان
اذا اردت ان تعيش فعليك بالتطنيش


كدا هاتخليني اهيس معاك
اكتر ما انا

انا جاية اقول
اقول
اقول

اه افتكرت

كل سنة وانت طيب
وما تكونش زهقان
انت مازهقتش من الزهق

اتخنق شوية اهو تغيير

كل سنة وانت طيب

وروق كدا
بكرة ان شاء الله
تروق وتحلى

وانتى طيبة ياقطة
احنا بس حبينا نروح الزهق من عندكم مش زى حالاتنا

وانتى طيبة ياماعلينا
وطنش تعش تنتعش

انا زهقت من الزهق بس اعمل ايه زهقان
من حال البلد
اعمل ايه بقا
بس فكرة حكايةالخنقةدى
هجرب
وبكرة تروحوتحلى

بعد السلام عليكم

كل ده وبتقول جاي رخامة ، دا علي كده رخامتك حلوة يا ابو حميد

والله أنا في معلوماتك دي في حاجات أول مرة أسمع عنها ، ربنا يخليك علي المعلومات الجامدة دي

وكل سنة وربنا مخفف زهقانك

تحياتي
وكل سنة وأنت طيب
ورمضان كريم

عادى ياحمد بتحصل كتير بس بجد تهيس لذيذ ودمه خفيف مش مهم انت كتبت ايه المهم انك كنت عايز تكتب وطلعت اللى جوالك هيس ياعم براحتك محدش واخد منها حاجة بس انا كنت عايزه اعرف هى فعلا المعلومات اللى فى البوست صحيحه يعنى اصدق على ضمنتك؟ ولا ده من ضمن التهيس؟

اية ياعم


كوكتيل

الفخفخينا دة

سياسة

معلومات عامة

معلومات خاصة

هرتل هرتل

ولايهمك


كل سنة و سعادتك طيب

ابو صلاح
طيب استحمل رخامتى بقا ياابو صلاح مادام انها عجباك

سارة
لا دا مش من ضمن التهييس
صدقى على ضمانتى

اى خدعة ياكفراوى
فخفخينا من الاخر
كوكتيل
زى ماانت بتقول

سؤال بس

البوست دا كتبته قبل الفطار ولا بعد الفطااااار؟؟

:)

ربنا يخلينا رخامتك

ايه يا عم زيارة وتنسانا
بص انا هاعمل بنصيحتك خصوصا ان كل التهييس دة احلى من اى تهييس تانى
زورونا تجدوا ما يسركم
اه بالحق ايميلى mrexplosive@hotmail.com

إحدى وسائل الخروج من روح الزهق وقد تكون أقل من ذلك فقط قل "يارب" ... ياخد اللي في بالنا كلنا

ممممممم
هوة فى فرق
يعنى

المهم انا مكتبتوش فى رمضان اساسا

شكرا ياباشا على وجودك هنا
والله انا مقصر فى حق ناس كتير
بس ظروف
وان شاء الله هتابع مدونتك على طول
وعلى فكرة انا ضفتك عندى

الاستاذ
يارب.........ياخد الى فى بالنا
اسعدنى وجودك

إيه الحوولاوة دي
كل ده ...
بس فين التهييس ؟؟
عموما بوست حلو ... بس اللي حاولت أنفذه فيه ما عرفتش
لا عرفت أنفض ...
ولا عرفت أعيش منتعش
قولي بقى الحل يبقى ازاي ؟
كل سنة وانت طيب

تمام تمام ياباشا
هي دي الدماغ العالية


كان اول يوم صيام وكده بقا صح؟
كل سنة وانت طيب يا معلم
محمد سمير

د/حندولة
حالتك خطيرة جدا
لاتشرب الدواء الدواء فيه سم قاتل
ماتعملشى حاجة ياعم يبقى انت منتعش طبيعى

محمد باشا
وانت طيب ياباشا
واتمنى اشوفك عندى على طول

هههههههههههههههههههه
حلو اوى
كل سنة وانت طيب

الحمد لله ان احنا قدرنا نضحكك
وانت طيب ياباشا

كل سنة وانت طيب
صباح الفل
ايه ده ؟
أنا اتلخبطت ..انت عايز مين بالضبط !..يا نهار أبيض!..انت اتسحرت كبده من عند واحد بتاع عربيه مضروبة؟عموما التهييس هو شعار المرحلة ..هيسوا هيسوا ..هو يعني ايه تهييس؟! تحياتي يا احمد

سعيدة ان في شباب في سنك بالشمولية دي
ربنا يوفقك
رمضان كريم

مروة بمناسبة معنى
التهييس
معرفش

وانا مش +عاوز حد خالص
ولا اتسحرت كبدة
انا كتبته قبل رمضان

ربنا يخليكى
يارب
وكل سنة وانتى طيبة

رمضــان كريــم
وكل عام وانتم بخـير
تحـياتي

ابن ناصر
وحشتنى
ياباشا
على العموم
كل سنة وانت طيب
وع+اوزين نشوفك

حلوه الرخامه ديه
عجبتنى
فى انتظار الرخامه القادمه

ملحوظه
حاول تستخدم المسطره اللى فى الكيبورد
عشان الكلام كله لازق فى بعضه
هتلاقيها اسفل الكيبورد فى المنتصف

والله انت عندك حق

انا حاسة بيك والله


غير كدة كمان


العالم كله بقي مسرح كبير

و كله بيمثل علي كله

انعشتني بجد

Post a Comment

شوف انت عاوز تقول ايه

Twitter Delicious Facebook Digg Stumbleupon Favorites More