Monday, September 17, 2007

انا غلبان وليا لسان

سلامووووووز عليكم
امشي في الشارع بص للوشوش و الناس بص جواهم هتلاقي الدكتور و المهندس و الطالب و النجار
و المدرس و البقال و الساعاتي و السواق و صاحب العماره و ... و...كل واحد ليه مكانه سواء كانت في السما عند الدور العاشر
او في البدروم تحت الارض وفي اللي مش موجود اصلافيه اللي مسنودو فيه اللي ساند
في الناس الواصله وفي الغلابه انا منهم واحد منهم...... غلبان
مش شرط الغلب يكون ضعف او فقرلما تحس انك مش مهم
لما تحس بإن اللي اقل منك ريس عليكاهلا بيك معانا في حزب الغلابه .. حزب وداد جلبي يابويا
انا غلبان مواطن و إنسان
ويمكن اكون حمــــار كمان
اتمرمطت و شوفت كل مكان
وشوفت من الناس اشكال و الوان
وداسوا عليا بالبلغ والصرم في بعض الاحيان
اه انا غلبان بس معايا سلاح جنان
سلاح لو مش معاك يبقي انت الجبان
غلبان ... و معايا لسان
غلبان ... و مش جبان
اه
مش باقدر اغير حاجه بس اقدر اتكلم اللي مش عاجبني بقوله في وشه من غير خوف
خدها بالمنطق كده ..
انت خايف من ايه ده عمر و هيعدي اوعي تخليه يعدي كده و خلاص
دي فرصه و احده و استغلها و اثبت وجودك بلاش المنطق سيبك من أم المنطق : خليك علي طبيعتك
قول رايك .. انقد ..
اسخر من كل الناس .. حتي نفسك
العبيط قوله يا اهبل
والرسيم قوله يا احول
مش عايز اطول أكتر من كده اللي مش هايتكلم و يسخرهايضيع وسط الرجلين
السخريه :: الحرف التاسع و العشرون
!السخريه :: حرف زايد .. و اشارات ساحره

19 التعليقات:

أطلق عنان لسانك في السخرية كما تشاء حتى من نفسك ولكن اكبح جماح تجاوزك لحدود السخرية إلى ما أبعد من الخيال أو إلى الاستهزاء ... كلامي في المطلق ليس له مغزى في الوقت الحالي ومع تمنياتي لك بمستقبل ساخر قصدي باهر

الكلمة مفيش اقوى منها
لما تكون في محلها

الكلمة طلقة مابترجعش

واللي يكتم كلمته
يبقى بيضيع زي انت ماقلت فرصته

يبقى هايعيش غلبان ولسانه جوا الكرتونة
ما استخدمهوش


كل سنة وانت ساخر ومتكلم
وربنا ما يحرمك ابدا من لسانك

عندك حق والله ياغلبان
هو اللسان
وخليها جنان في جنان

اه انا غلبان بس معايا سلاح جنان
سلاح لو مش معاك يبقي انت الجبان
غلبان ... و معايا لسان
غلبان ... و مش جبان
يعنى بعد الكلام ده وتقول انك لسه غلبان؟
قول ولا يهمك
:فكرتنى بصلاح جاهين لما قال
عينى رأت مولود على كتف امه
يصرخ تهنن فيه يصرخ تضمه
يصرخ تقوله يابنى انطق
ده اللى مايتكلم ياكتر همه

الاستاذ
شكرا على تعليقك الجميل
واكبح جماح تجاوزى لحدود السخرية

امين يارب
كل سنة وانا متكلم
ومايحرمنيش من لسانى
دعوة جميلة خالص

يالا يامحمد خليها جنان

اه غلبان وليا لسان
مش فى زمن حيث الاعتماد على المخالب ياسارة
سعدت لتشريفك
وابقى اشترى فانوس
رمضان ماتكسليش

عندك يا حق يا عم احمد ... كان نفسى اقول للناس كده من زمان ... انت لخصت كل اللى فى نفسى الصراحة .... صحيح عمر وهيعدى .. بس لازم تترك بصمه واثر فى الحياه دى .... لازم تتكلم وتقول اللى فى نفسك
يعنى قول لحسنى مبار يا ظالم ... اوعى تخاف
زى ما هتقول لرسام احول ... قول لمبارك انت ظالم ومستبد .... لو عشت زى ما الناس عايشين خايف وجمب الحيط عمر بلدنا دى ما هتتقدم هنكون سلبين ... انقد وقول رايك اوعى تخاف ....
الصراحة كلامك جميل اوى وهو مش سخريه ده واقعى يا حبى .... يلا اقوللك سلامو عليكو وربنا يوفقك ...

This comment has been removed by the author.

السلام عليكم

انت عندك حق
الواحد المفروض ميخفش وميعملش حساب ان فلان هيزعل لو سارحته
لا انت معاك حق المفروض نقول للغلطان ان هو غلطان فى وشه من غير ما يكون فيه احراج
عادى

واللى يسخر منك عاشن قولت الحق وماله انا حرة وهو حر ومش هيحكومنى

كلامك تمام اوى وهو ده المفروض

بس فيه حاحة انا المفروض لو هاقول لفلان انت غلطان او الشئ ده مش عاجبنى فيك احاول اكون ذكى فى الطريقة اللى هأقولهاله بيها
يعنى احاول برضه مخسرش اللى قدامى

تحياتى لعدم الجبن

كل سنة وانت طيب رمضان كريم

بعد السلام عليكم

أيه الكلام الجامد ده ياأحمد؟
تعجبني وأنت شجاع

فعلا اللسان سلاح للي يعرف قيمته
بس طبعا في حدود و لياقة المفروض نراعيها عند السخرية


كل سنة وأنت طيب ياباشا
علي فكرة في حاجة شكلها كده هتزود زهقك مستنياك في مدونتي

تحياتي
ورمضان كريم

الكلمه احسن من الصمت احسن من الاغلبيه الصامته

قول وعبر عن اللى جواك يا باشا
وبوستك شغال
ومتخفش من حد
وانت قولتاه العمر واحد يا تعيشه صح ويا بلاش ويبقه خلاص

تحياتى
رمضان كريم

السخرية من القدر
السخرية من الواقع
السخرية أحيانا من الهم
السخرية هي النافذة الوحيدة من الخنقة
وإلا هاتموت
إسخر من نفسك
إسخر من غيرك ولو كان في سرك
أو مع نفسك
بس خلي بالك من أن حد يضربك ساعتها

سعدت بوجودك ياعمور والله

وانتى طيبة ياعاشقة الوطن
واضفتى نقطة مهمة جدا
ان انا اجبهاله بزكاء
شكرا

شفته يااحمد
وهاجاوب عليه
بس استنى عليا شوية
اصله جامد قوى

اى خدمة
على الحاجات الشغالة ياحسام

هاخلى بالى ياباشا
بس انا هجبهاله بزكاء
زى ماقالت عاشقة الوطن تخلينى مش يضربنى

Post a Comment

شوف انت عاوز تقول ايه

Twitter Delicious Facebook Digg Stumbleupon Favorites More