Thursday, September 6, 2007

خدلك تاكسى باتنين جنيه

عنوان غريب صح
مستغربوش خليكو معايا للاخر
حاجه غريبه للاسف لاحظتها عندنا في الشارع المصري الا وهيا ان الناس بتتكسف تقول معرفش
يعني لازم لما تسأل حد عن حاجه يجاوب عليها باي طريقه لكن ميقولش معرفشي
عني مثلا انتا في محافظه او مدينه غريبه عنك وبتسأل واحد لو سمحت ازاي اروح المكان الفلاني..تلاقيه بص يمينه وشماله؟؟؟؟؟؟؟؟؟
وبعد كده بص للسما ليه معرفش ويهرش في دماغه ..........ويبصلك بصه غريبه كده
(((وبعد كده يقولك:بص يا استاذ حضرتك هتاخد الشاااااااارع ده لاخره وتكسر شمال هتلاقي كشك سجاير في تالت شارع علي اليمين
هتسأل هناك وهيدلوك..........تروح انتا قايله متشكرين ياباشا وجزاك الله خيرا ....
.وبعد ماتوصل وتسأل واحد تاني يروح باصصلك من فوق لتحت كده وقايلك باستغراب:المكان الفلاني؟؟؟؟
ايه اللي جابك هنا يبني........بص...........شايف الكوبري اللي هناااااااااااااااااااااااااك ده............هتروح هناك وتعديه
وتخش في تاني شارع بعديه شمال هتلاقي هناك جامع المكان الفلاني ادامه علطول............
تروح انتا يا مسكين قايله متشكر جدا يا حاج والله انتا ربنا بعتك ليا من السما............وتطخ المشوار اللي قالك عليه.........
.وهناك تسأل فين المكان الفلاني.......يجيلك واحد ابن حلال كده ويقولك المكان الفلاني يبني مش هنا...........
ولانه مبيحبش يفتي في اللي هوا مش عارفه يروح قايلك ::بص يا سيدي................. خدلك تاكسي باتنين جنيه من هنا وهوا هيوديك علطول.......
.....ولما تشاور للتاكسي وتقوله المكان الفلاني يا غلبان..........تلاقي السواق فرك ايديه في بعض..........
وابتسم ابتسامه شريره كده........................ويقولك اتفضل يا معالي الباشا.........هوصل سيادتك........
.ولما تركب يا عين ماما معاه يوصلك اخيرا للمكان الفلاني
وتلاقي نفسك مدبس
في حسبة عشرين ........خمسه وعشرين جنيه.كده..................
.وشيل يا معلم...............
عشان خاطري يا اخوانا محدش يفتي في اللي ميعرفوش
ومحدش يقول خدلك تاكسي باتنين جنيه لاني انا شخصيا متعقد من الجمله دي.....................

34 التعليقات:

جميل جدا ومش اقدر اعلق غير اني أقول انا كت مخنوق من نفس الموضوع ده بس مش في الشوارع بس في كل حاجة فكتبت عن قبيلة مانا عارف
مانا عارف

عشان تتأكد ابقى اشكره واسأل تاني وتالت قبل ما تزمع الأخذ بنصيحتهم

لموضوع ده منتشر فعلا
كله بيفتى وخلاص مرة كنا فى الجامعه وواحدة سألتنى انا واصحابي عن مدخل مكان انا مكنتش اعرف قلتلها معرفش واحدةصاحبتى افتت طبعابعد ما مشيت البنت قلت لصاحبتى ايه يابنتى هو انتى تعرفي المكان قالتلى مش محتاج كل الناس بتدخل من هنا
وطلع غلط فى الاخر

هاهاها

معلش يا مواطن

مصريين بقى

عصفور المدينة
جارى الاخذ بالنصيحة

صح ياياسمين الموضوع دا
بيتكرر كتير
فى الحياة الشخصية

عندك حق والله

انا ليا صديق رسخ ليا مبدا مهم

قالي لو سألتي حد في الشارع و قالك اول يمين في تاني شمال..اعرفي انه بيفتي..

و ما تاخديش بكلامة

قلت الراجل ده اكيد بيهجص عليا

جربت....روحت مكان عارفاه..وسالت واحد في الشارع عن مكان تاني جنبة بعدية بتلات شوارع...قالي خدي اوي يمين في تاني شمال..فهمت انه بيفتي

جربت الحكاية دي بتاع مرتين..وكل مرة نفس النتيجة

من ساعتها الي يقولي اول يمين في تاني شمال...ابصلى من فوق لتحت واكمل مشي

شكرا على الزيارة الغالية والرأي الأغلى

هههههههههههه
انا مخنوق منها كتير اوى والناس اللى بتفتى وخلاص

بس صدقنى حكايه خدلك تاكسى باتنين جنيه دى انا الحمد لله حصلتلى واخد تاكسى واديتله فعلا اتنين جنيه تصدق وحصلت معايا اكتر من مره
سلامااااااااااااااااااات

السلام عليكم

فعلا دى مشكله الشعب المصرى ما يحبش يقول معرفش يمكن علشان شعب طيب ونفسه يساعد غيره
بس المفروض محدش يقول طالما ما يعرفش

بس قولى هو لسه فيه تاكسى ب 2 جنيه ههههههههه

تحياتى وخدلك بقى تاكسى باتنين جنيه

طب حلو المبدأ دا
هجربه
واشوف ياباشا
شوكرا على مرورك الغالى

موضوع جميل بجد وعلي فكره انا اتلسعت من الحوار ده كتييييييييير
بس هتقول ايه عندنا في مصر محدش بيعترف انه مبيعرفش واحنا ام الفهلوه
جرب مره كده تسأل حد في الشارع عن مكان انت متأكد منه وشوف بنفسك هيوصفلك ايه ومستني ردك
تحياتي

يابختك ياعم
ايون ياعم ياللى بتركبوا ب2 جنيه
عقبالنا

اه
حسام مراد بيقول انه فى
بس انا مجربتش صراحة
غير فى مشوار زغنتت
فى الزقازيق
وشكرا على مرورك

اكيد هيرسم عليا وهوة مايعرفشى اساسا المكان
ماهو سكوت هنصوت جربها كذا
مرة ومع ذلك هجربها انا كمان

وعلى فكرة انا عن نفسى ياتيمور

والله لو حد بيسألنى بقوله
امشى قدام واسأل انا معرفشى

عندك حق طبعا لان دلوقتى الجهل بالشيء بيعتبروه عيبه
ده فيه حديث يقولك ايه " من قال لا اعرف فقد افتى"
شفت بقى حتى لو قلت معرفش تبقى افتيت مابالك بقى لو قلت حاجه انت متعرفهاش فعلا
يلا حسبي اله ونعم الوكيل لان الناس ممكن تتسلى بالمواضيع دي كتييييييييييير
تحياتى لمدونتك

الكلام نوغان
اشكرك لتشريفك مدونتى
والافادة

فعلا بيحصل كدا بالذات في القاهرة
يوصفولك ستميت واصفة
وكل واحد يقولك تمشي كدا وبعدين هتلاقي الشارع علي طول وانت بتلاقي شارع فعلا بس مش اللي انت عايزة
انا بقي مرة حصلت معايا بس سئلت كذا حد كل حد يقولي وصف شكل
اخر واحد كان جينتل موت قالي تعالي ورايا وانا هوصلك
انا قولت لماما دة هيخطفنا ولا اية قالتلي انا عارفة بوقينا نقولة شكرا يا عم خلاص وهو ابدا
كل ما يلاقينا مشينا من شارع غير الشارع اللي هوماشي فية يرجع تاني يقولنا غلط من هنا وانا وماما كنا مرعوبين منة يلا الحمدلله الراجل كان نيتة كويسة وان بعد الظن اثم
اول زيارة وان شاءالله تتكرر
سلام
مني

مصيبتنا ان احنا كلامنا كله لكام فى اللى مانعرفوش وسكوت على اللى نعرفه
المدونة جميلة جدا
نصيحة :تعال المنصورة وخد لك تاكسى بجنية ونص واتمتع
اه نسيت بس لاول الشارع

منى
شكرا لزيارتك ويارب تتكرر تانى
وميرسى لانك حكيتى موقف زى دا
ايون كدا هوة دا التفاعل

حلاوة حلاوة
ياغلبان
ايه التاكسى بجنية ونصف
يابلاش
نحم بتقول لاول الشارع
يافرحة ماتمت خدها الغراب وطار

بعد السلام عليكم

أولا أزيك ياأحمد عامل أيه ، أنت واحشني والله
و معلش أتاخرت عليك

أما عن موضوعك فالحكاية دي غريبة والله
هوه أه الشعب المصري معروف عنه أنه بيحب يساعد
بس كده هوه مش بيساعد ، ده كده بيضلل

فكرتني بحكاية شارع الشهيد ميكي ماوس

تحياتي
وكل سنة وأنت طيب

وانت طيب ياباشا
وشكر على مرورك الجميل دا

إحنا الشعب الوحيد ألي بنحب الفتوي علي الفاضي والمليان سواء كنا عارفين أو لأ

ع فكرة

التاكسى عندنا

ف كفر الشيخ ب 1ج


هييييية

سلام

يابختك ياعم
بتركب بجنيهه واحد
ايون اوين

هو انت متعرفش ان السؤال ده فن

ارميني انت في الصحرا وانا هاسألك طوب الأرض اخليه يدلني
لو عايز تتدرب انا مستعد


حــنــظــلــة
http://7anzala.wordpress.com

اكيد عاوز ادرب يامحمود
انت ازاى تسبنى كدا
يلا انا مستعد للتدريب
وهتفق بقا معاك على الميل

كل عام وانتم والامه الاسلاميه بخير

وانت بخير يابهلول
اسعدنىوجودك

والله يأخي دي حاجة تخنق أوي

تخيل الموقف ده

كان في قديم الزمان من كام سنة يعني سافرت انا والعيلة للقاهرة علشان نزور عمتي اللي نقلت لمنطقه جديدة وأول ما رحنا ياعم الحاج نسأل أي واحد الا يقول معرفش لأ أبداً
لازم يدلك ياعم روح كدة وامشي دة لغاية ما تهنا والحمد لله

مأنقذناش من الموقف ده إلا أبن عمتي شفناه راكب عجلة والراجل اللي كان بيوصلنا مصمم إن البيت مش هوه ده

ياعم خلاص لقنا المكان مفيش

ربنا يهدي شعبنا ويبطلوا الخصلة دي

أنا من ساعتها وأي حد يسألني عن مكان مكنوش عارفه علطول اقوله معرفش
هي ناقصة وأسف للإطالة

انا فرحان جد
انك حكيت
موقف من حياتك فعلا
شكلنا كلنا
حصل معانا الموقف دا
اسعدنى وجودك

طبعا كل الناس مخنوقة من الموضوع ده

بس انا لاحظت حاجة ان المخنوق من الموضوع ده بيعمله هو كمان...يعني مثلا كان فيه واحد اعرفه كان رايح مشوار و تاه في السكة بسبب النصيحة الغالية بتاعة الشعب المصري ده و هو في نفس المكان اللي تايه فيه جاله واحد سأله عن مكان ميعرفوش اصلا فصاحبنا افتى و لما قلناله حرام عليك قلنا اشمعنى انا كمان فضلت الف ساعتين في الشمس لما قفايا ساح

بس الخلاصة يعني من الحوار ده كله انك لو تايه في الشارع و كنت بنت ففرصتك هتكون اكبر من الولد اللي تايه...و دي اخر الدراسات هي اللي قالت كده...اصل شهامة الشعب المصري لسه موجودة برده...و لو انت ولد اتحرق و روح في داهية لكن لو بنوتة بقى فتلاقي الف مين يخدم

و الله ناس طيبة

هههههههههههههههههه

الشعب المصري كله كدة

كان في مرة برنامج علي او تي في

بتاعة نجيب بيه ساويرس

كانوا بينزلوا يسالوا الناس اي سؤال

مثلا يعني

ملوخية و عيش لين يا خراب بيتك يا مزين

و يسالوا الناس

ايه علاقة الملوخية بالمزين ؟؟؟

الشعب المصري بقي مش يسكت وخلاص

لا

ده في ناس قعدت تقول نظريات عن علاقة الملوخية و الحلاقين

احنا كدة

منعرفش نحط لسانا في بقنا
لاااااااااااااااازم نفتي

تشكر علي الموضوع

تقبل مروري عليك

و اتمني زيارتك لاني قاعدة هناك بهش

Post a Comment

شوف انت عاوز تقول ايه

Twitter Delicious Facebook Digg Stumbleupon Favorites More