هيسال كتير ايه هوه الحلم دا وهرد وهقول لهم عايو افتح قهوة
انا عارف ان فى ناس كتير من اللى هيقروا الكلام دا هيضحكوا وهيسخروا من البوست واحتمال منى انا شخصيا
لكن بجد عايز افتح قهوة اى نعم ان القهاوى فى الايام دى ايام البطالة بتجيب فلوس بالهبل(اللهم مالاحسد لااصحاب القهاوى)
بس انا عايز افتح قهوة غير قهاوى الايام دى انا عايز ارجع قهاوى زمان وجانى دلوقتى شعور ان كتير منكم بداوا يفهمونى
طبعا مش هيقعد عليها اى حد لان اللى هيقعد عليها ناس ليهم صفات معينة
هتضم رجال السياسة والادب والثقافة والفن وهيكون فى منازلات شعرية وثقافية
مش منازلات فى قرقرة الشيشة وهيكون فى ندوات فى جميع المجالات مش ندوات فى سماع الافلام واللعب
وكمان فى مناقشات سياسية سخنة ع الوضع المصرى(لاالقهوه اللى بيقعد عليها ا/محمد عبد القدوس)
وضيف على كدا ان هيتمثل فيها مكان لالتقاء الاجيال وصراعهم مع بعضهم
وكل واحد فيهم بقا هيحاول الدفاع عن افكار بيؤمن بيها
فتستفيد الاجيال الجديدة من السابقة
وتتفهم الاجيال السابقة واعليه الاجيال الجديدة
بأختصار كدا هتكون مركز ثقافى بس بصورة شعبية وبين الناس بس
بقا اللى مش طالب للثقافة او بمعنى تانى اللى عايز يضيع وقته وخلاص
مالوش مكان فيها مع الاعتذار لمعظم شباب مصر
وعلى انغام اغانى حليم والست هتتفتح القهوة والا مش هتكون قهوة زمان
وبكدا هنعيد قهاوى زمان اللى مليانة خير
مين بقا اللى هيدخل معايا شريك
يتصل بيا على تلات صفار صفرين صفر وهتلاقى واحدة تقولك من فضلك تاكد من الرقم المطلوب
3 التعليقات:
فكرة احياء قهاوي المثقفين بوسط البلد فكرة جيدة ولكن المتوفر من المثقفين والسياسيين والمدعون للقهوة عادة سيكونون مدعين الثقافة ( انصاف مثقفين للاسف )
ولكن اريد ان اخبرك انه هناك جمعيات اهلية تقوم بعمل ندوات ولقاءات وصالون للشباب لمناقشة كل ما يدور بهم من ازمات اجتماعية وسياسية وغيرها
ويرد اليها الجادين من المثقفين او من يبنون ثقافة واتجاهات خاصة بهم
على فكرة بيسمعوا محمد منير ووجية عزيز
اشكرك
سمراء
الله حلوه اوى والله الفكره دى
انا معاك قول انت بس وانا هساعدك
اه صحيح ازيك انا نونااا اول زياره ليك وان شاء الله مش اخر مره
المهم نرجع للقهوه تانى بجد تعرف انا نفسى افتح كافيه برضه بالمنظر ده كده وكمان كان نفسى افتح كافيه للبنات وبس
شفت بقى
نونااا
انا مش ناوية ادخل شريك ولا حاجه
بس اول ما تفتح القهوة ابقى ادينى خبر علشان ابقى زبونة
وطبعا اصحابك البلوجر مشاربيهم ببلاش صح
Post a Comment
شوف انت عاوز تقول ايه