مصر ياامه يابهية بناكل فول وطعمية
ولاعمر ف حياتى اكلت اكلة شهية
انا نفسى فى مرة يدخل بيتى حاتى
ويعمل اكله بس يبعد عن التقلية
*************
مصر يابلدى فى ناس كتير بتهينك
وهما فى الاصل من قلوبهم شايلينك
اصحى يابلدى دول ف بطونهم بالعينك
واحنا ماعلينا غير ندعى ربنا يعينك
************
محتار يااهل فى قوت والاسعار بقت فوق
مش راضى الفقر يموت وانا للحمة فى شوق
طب نعمل ايه حتى العدس بقينا ماندوق
عايشين زى مايكون على رقبتنا طوق
****************
الحياة بقت صعبة والاسعار فى العلالى
حاسين كأننا فى غربة وديما على طول بنلالى
ومهما بعتى يابلدى هفضل برده شارى
ان كنت عليكى غالى سامحينى شكيت احوالى
************
بعلو صوتى ناديت ولنداء الوطن لبيت
قاللى اعملك بيت قلتله افهم ياريت
قاللى حررنى م الايادى ايادى الطغاه ونادى
انقذوا بلدكم وانقذوا الوادى م السرقة والنهب اللى ف بلادى
***************
مخنوق مش عارف مالى عاوز افضفض باللى جوايا
الناس بتفسر غلط حالى والله اعلم بالنوايا
مش عارف اعمل ايه مش قادر ارفع الرايه
هقاوم لحد ماتعب بس نفسى تعبت معايا
*************
(مقتبسه)
بنسافر ونبعد ونهاجر ونبعت فلوسنا دولار او ريال
ودا كله وف الاخر عشان نربى العيال
احسن مانقعد وننصب وننهب ونسرق تلال
محتارين نعمل ايه دلونا دا اخرتنا هنلحس نعال
**********
ياعينى ع الشباب مش عارفين قيمة الكتاب
مضيعين حياتهم والكتب ورقها داب
بكره يندموا ويعرفوا ان السبيل هوة الكتاي
ويقولوا امتى الشباب يرجع بعد ماشعرهم شاب
**********
الدنيا كدا بس لازم تتعاش
حياتنا كدا بس ماتروحش بلاش
فيها الحاجات الحلوة عمرنا ماننسهاش
وفيها المرة نرميها ومنشلهاش
***********
مصر ياامة يامحروسة لازم تلبسلنا الطرحة
لازم نديكى بوسه عشان نشوفك ف فرحة
ونفرح بيها ونعلقها فى صدورنا وسام
ونقول للناس دى فرحة مصر بلدنا الحره
********
انا نفسى فى عود اعزف على ماساتى
عذابى ملوش حدود عايز اكشف عن اهاتى
عايز اقول للناس عايز اثبت ذاتى
فى دفاتر اشعارى هدون معاناتى
17 التعليقات:
حمد الله على السلامه
فينك ياحمد ايه الغيبه ده كلها؟
هى حال البلد بقى كده انا بجد مش عارفه ايه اخرتها
هى الناس هتعمل ايه تفتكر؟
بتغيب تغيب وترجع برده ببوست جامد
تحياتى وتقديرى
اه على فكره فى تجمع للمدونين يوما لسبت الجاى فى ساقيه الصاوى فى القاهره الساعه 11 صباحا
لو حبيت تيجى تعالى
تحياتى لك وتقديرى
الله يسلمك ياسارة
حال الدنيا بقا زفت
وهشوف تجمع المدونين دا ممكن اجى
مصر صابرة طول الزمن العيب مش فيها العيب في اهلها اللي سايبين النهابين ينهبوها وحاطين ايديهم في جيوبهم وبيتفرجوا عليها
وهي بتنزف من قلبها
انا بحبها
اشرك ياسمراء على تعليقك الجميل دا
وطبعا كلنا بنحبها
هيا لنصرة نبينا
الهادى محمد
إيه يا عمنا فينك؟
كفارة
المهم كان ليا سؤال؟
هي دي مصر ولا إنت بتتكلم عن مين بالظبط؟
عجبي
موجود بس ظروف
وانا بتكلم طبعا عن مصر
هوة فى غيرها
مصر دولة زى العسل
طبقا لصفحة 12 فى الجغرافي مستوى رفيع
وهذا اقرار منى
وانا فى كامل قواى الثانوية
تحياتى
يا ترى لسة فاكرنى
هى دى بلدنا ومستقبلنا
نحبها ونشوفها قدامنا
بتعلى لفوق قووى بأعلامنا
انت لشعبك اللى له حق عليك
واجب عليك تمدى له ايديك
كل ده بس عشان يقدر يحميك
يحميك يا مصر من اللى حواليك
بياكلوا خيرك قدام عنيك
وانت ساكتــة ....
سمعينا صوتك أبوس ايديك
ده احنا قلوبنا بتتقطع عليك
يا مصر احنا اللى ليك
وبإذن ربى هانخليك
لينا وليك
مدونة أكثر من رائعة أخى الفاضل ...بوركت وجزاك الله خيرا
انا مصري اذا انا بلا كرامه
يخرب بيت ام البلد دي
تحياتي
Hello. This post is likeable, and your blog is very interesting, congratulations :-). I will add in my blogroll =). If possible gives a last there on my blog, it is about the Home Theater, I hope you enjoy. The address is http://home-theater-brasil.blogspot.com. A hug.
ههههههههههه
بجد بوست رائع
تسلم ايدك
ودمت مبدعا
على رايك ياغلبان
اسالنى على منهج الثانوية
شكرا يامشتاقة الى الجنة
على تعليقك الجميل دا
ليه كدا ياوائل
دى بلدك واحنا لازم نحبها
يامش سلبى
شكرا على مرورك
Post a Comment
شوف انت عاوز تقول ايه