ياحكومة حسى بحالنا
دا احنا مابيرتاح بالنا
وبنحلم بلقمة عيش لجل مايرتاح بالنا
نفسى اعرف انتم حكومة ولا ديابة
ولا احنا فى دولة ولا فى غابة
نفسى اعرف انتم حكومة ولا عصابة
دا احنا شعب كله غلابة
ياحكومة نفسى مرة استأذن من الناموس
واخدلى اوضة برة ولو عرشوها بوص
محتار ياحكومة فى قوت ولا لاقى لنفسى سرير
مش راضى الفقر يموت الحب مابينا كبير
مشعلق قوى ويانا
ماضى عهده معانا امانة
م الفقر خلاص ايه يانا
العقل ياناس هيطير
حكومتنا دى نصابة بتوعد وبتخلف يابا
وعدونى ب بيت مرسوم اوضتين
مبنى ومطلوس بالطين
والطرقة يادوب مترين
نسيت كلامها ورميته فى الزبالة
ياحكومة حسى بحالنا
دا احنا ما بيرتاح بالنا
بناكل ديما فول حراتى
تقدرى ياحكومة تقولى ليلاتى
من قلة الفلوس فى جيوبنا
هقولك برده يابه
عشان تعرف ان احنا غلابة
وعايش ف زمنا ديابة
نتعشى مرة بعيش
والمش ياعينى مفيش
واللحمة تروح ماتجيش
ولاتخش ف بييوتنا
سامحونى شكيت احوالى
ادعولى بطولة بالى
ان كنت عليكم غالى
دا انا بحلم مرة اطير
خلصت معاكم كلامى
وبدعى على الحكومة ف ايامى
لجل مايحصل التغير
15 التعليقات:
وكل عام وانت بخير بمناسبه العيد الاضحى
وتقبل الله منا ومنكم
احمد الجيزاوى
ربنا يديك الصحةو طولة العمر
ع تشوف التغييير القادم
_كل سنة و انت طيب يا بية _
أخلاقنا...اسلامنا
إيمانا منا بأن حال العالم ...لم ولن ينصلح... إلا بالاسلام
وإيمانا منا بأن اسلامنا...لم ولن ينصلح ...إلا باأخلاق
اتفقنا...أو وفق الله بيننا ...لتكوين أول حملة للأخلاق...لتحقيقها...والسمو بها...والعمل بها بإذن الله
.................
من نحن
مجموعة من الشباب ...أهمهم حال أمتنا...وعروبتنا...وأوطاننا
فوفق الله بينناعلى الإجتماع على هذه الحملة...ولنطلقها حتى تصل إلى عنان السماء...علها تشفع لنا يوم القيامة
وبإذن الله ... سوف نعلن في البوست القادم عن المدونات والمواقع التي تدعم هذه الحملة
ومن أراد المشاركة...فعليه أن يكتباسم مدونته أو موقعه...أو تي إيميله في خانة التعليق...وسنتابعكم بالصور والمقالات القادمة بإذن الله
والله تعالى هو ولي ذلك ومولاه
تابعونا... ايدونا...شاركونا
جميلة جدا
مش تقول انك بتكتب شعر كمان
ربنا يوفقك اكتر واكتر
وكل سنة وحضرتك طيب
تحياتى
شيماء
كل سنة وحضرتك بخير
ربنا يدلنا طول العمر ونشوف اية الى هيحصل فى 2008
حلوة جدا
كل سنة وانت طيب
كل سنه وانت طيب
انا علي فكره برضه من الشرقيه
واسمي سيف
اكيد تعرفني لاني مش سيف عدي
انا سيف الاسلام
كل سنه وانت طيب ياحمد
جميله جدا الكلمات دى
بس انت فين مختفى كده حتى مش رديت على التعليقات
يارب خير
تحياتى
هههههههههههه
بجد جميلة ومعبرة
وزي العسل
السلام عليكم
ازيك يامواطن زهقان
تصدق الحكومة مش قادرة تحس بينا ولو حست بتحس بالناس اللى بطنها مليانة وشبعانة
مبتحسش بالناس اللى بتموت وهش لاقية لقمة عيش
انت عارف من كتر ماالواحد قعد يفكر ايه المشاكل اللى موجودة فى البلد
وايه اللى بلد ماشية عليه والحكومة بتعمل ايه حسيت بقد ايه ان كل اللى حوالينا غلط فى غلط
الواحد مجرد انه يفكربيحس باحباط شديد
بس بيرجع ويقول ان الحوكمة يمكن تحس بينا وتحس بالغلابة
ربنا يسترعلينا
طبعا احنا شايفين اللي بيحصل في وسائل الاعلام
ضد حماس وضد الفلسطينيين لدرجه ان احد
هؤلاء الكتاب اقصد العملاء يكتب ويقول في الاخبار موضوع عنوانه
الزهار واسرائيل في سله واحده
وكمان غير الاذاعه التي تبين للمصريين ان
مصر تمن وتتفضل علي الفلسطيينيين
مع ان دخولهم الاراضي المصريه
ادخل مايزيد عن النصف مليار دولار لمصر في اسبوع واحد
انا اناشد كل حر في مصر للوقوف ضد هذه الحمله المنظمه
واناشد ايضا اخواني المدونين الذين اصبحوا الان
من الفئات التي يحسب لها النظام الف حساب
ارجوا منهم ان بساهوا ولو بتشر الرساله في مدونتهم
واي واحد يعرف يعمل تصميم او شعر
او شعار او اي شيئ تراه مناسبا
لهذه الحمله ضد العملاء
تحياتي
سيف الاسلام
صاحب مدونه سيف مش معاهم
والله مش متأكد هما حكومة ولا ديابة وإحنا فيران ولا غلابة؟؟؟؟؟؟؟؟؟؟؟؟
السلام عليكم
ايه ياعم القصايد الجامدة ده
ربنا يجعله في ميزان حسناتك
اولا دعنى اعبر عن جمال الشعر
ولكن الفول والطعميه اصبحو مكلفنى علينا وايضا الفول الحراتى غالى
احنا بنعيش فى عصر الغالى والعصر القادم عصر كتكيتو بنى ابن الغالى
وربنا يسترها
ويديك ويدينا الصحه وقصر العمر
تحياتى
Post a Comment
شوف انت عاوز تقول ايه