Thursday, April 24, 2008

بلال دياب طالب جامعة القاهرة الذي تحدث إلي رئيس الوزراء: خشيت المبيت في المنزل أنا وأسرتي.. وأناشد الرئيس التدخل لإنهاء المهزلة التي تعيشها مصر






ماورد على لسان بلال دياب فى المصرى اليوم





كنت خائفا وفي حالة رهبة شديدة لكن إيماني بما قلته شجعني علي مواجهة رئيس الوزراء الدكتور أحمد نظيف، أثناء اللقاء الذي نظمته جامعة القاهرة أمس الأول، بمناسبة الاحتفال بمئويتها، لكنني بعد العودة للمنزل خشيت المبيت فيه أنا وأفراد أسرتي».
بهذه الكلمات بدأ بلال دياب، الطالب بالفرقة الرابعة بكلية الآداب جامعة القاهرة، ومن الطلاب الليبراليين لحزب الغد حديثه لـ«المصري اليوم»:
قال بلال: دخلت إلي القاعة بصعوبة شديدة بسبب مراوغات مع الأمن وكنت قد علمت من أحد زملائي بوجود الدكتور نظيف بالجامعة قبلها بيوم، فذهبت للجامعة في الساعة التاسعة صباحا وذهلت من الحشود الأمنية الموجودة،
وكنت أنوي مجرد مقابلته أثناء افتتاحه المكتبة لإعطائه ورقة أطالب فيها بالإفراج عن الشباب المعتقلين علي خلفية أحداث ٦ أبريل وكتبت فيها «مصر دولة مدنية حرة» وذيلتها باسم طلبة مصر، لكني فشلت بسبب حصار الأمن لموكبه.
ثم حاولت دخول الندوة، فقابلني قائد حرس ـ وهو يعلم هويتي ـ وقال لي «إيه اللي جابك هنا؟».. فقلت له عايز أحضر الندوة، فرد علي «ماينفعش تدخل»، فرددت عليه «إحنا مش هنشاغب وإحنا ليبراليين علي قد حالنا»، حيث كان معي اثنان آخران من زملائي، فرد علي «اذهب إلي كليتك»،
وأثناء رجوعي للخلف صادفني وفد من اتحاد طلاب كلية التجارة كان في اتجاه دخول القاعة، فدخلت وسطهم إلي أن وصلت داخل القبة لكنني فشلت في دخول الدور الأول لقاعة الاحتفالات لأنني لست عضوا بالاتحاد، ووجهوني إلي الدور الثاني وبعد جلوسنا نبه المستشار الثقافي لرئيس الجامعة علي أن المداخلات ستكون علي ورق سيوزع علينا، لكننا فوجئنا بتوزيع الورق أثناء الندوة علي الموجودين بالدور الأول فقط،
وهم الوزراء والصحفيون وطلاب الاتحاد ولم يقوموا بتوزيع أي أوراق علينا، وأثناء حديث رئيس الوزراء عن إساءة استخدام الشباب للإنترنت، قاطعته بصوت عال «مصر حزينة يا ريس، خيرة شباب مصر في المعتقلات.. يا ريس عايزينك تفرج عن شباب معتقلي ٦ أبريل.. الشباب دول ياريس اللي وقفوا معاك في محنتك ودافعوا عنك في مؤتمر دافوس الاقتصادي العام الماضي».
ثم قلت له: «ياريس عايز أقول لك حاجة واحدة بس».. فابتسم وقال لي «قول» قلت له «ياريس التعليم زي الفل والجامعة زي الفل ورغيف الخبز موجود.. والديمقراطية موجودة.. والحرية مطلقة».. واختتمت «ياريس افرج عن مصر افرج عن مصر يا ريس».. ثم جلست في مكاني.
ورد علي قائلا: «حاسس في نبرتك بالسخرية ولكن المفترض من الشباب أن يعبروا عن رأيهم عن طريق قنوات سلمية» وحول دفة الحديث للدفاع عن سياسته.. وعلق بلال: «أي قنوات سلمية أكثر من النت؟».
وبعد انتهاء الندوة حاول اثنان من أفراد الأمن بزي مدني إلقاء القبض علي من أمام «القبة» لكنهم فشلوا لأن زملائي أحاطوا بي ودافعوا عني.. لكن بعد ذهابي لكليتي نجحوا في إلقاء القبض علي واحتجزوني داخل غرفة قائد الحرس للاستدلال علي هويتي.
وفي نهاية حديثه وجه بلال رسالة إلي رئيس الجمهورية وناشده التدخل لإنهاء المهزلة التي تحدث الآن في مصر ومحاولة إقصاء حزب الغد من العملية السياسية في مصر،
وقال «إن شباب الغد اللي أغلبهم موجودين في السجون هم شباب ليبرالي يدعو إلي دولة مدنية، وإذا لم يجدوا شرعية حزبية تحضنهم فسيتجهون إلي التطرف»، ووصف بلال أسلوب الجامعة في قمع الأنشطة بأنه سجن صغير داخل سجن كبير




ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تعليقى بقاـ
الطالب دياب يوجه أسئلته لنظيف "الجامعة زي الفل، والعملية التعليمية زي الفل، ورغيف العيش موجود، والحديد موجود، والديمقراطية موجودة، طيب مصر حزينة ليه يا ريس؟!".. تعليقات ساخرة فاجأ بها بلال نظيف
مين فينا شاف فيديو بلال او الكلمات اللى صرح بيها


ومتهزش من جواه

مين فينا محسش ان بلال هوه نفسه اللى بيتكلم يعنى بيتكلم عنى وعنك وعن

شباب مصر المطحون ياجماعة بجد بلال دا جامد



الله اعلم ايه اللى هيحصلك

شارل ديجول لما مسك حكم فرنسا قال انه فرحان بشباب فرنسا

والكلام دا مش عشان هما ساعدوه لا دا عشان

هما اعترضوا عليه وقالوله لا وبكد اطمن على مستقبل فرنسا لان فى اللى يعارض ويقول لا على اى حاجة غلط

واحنا هنا طبعا بنفرح بالشباب بس بنعاقبهم

ونخبيهم فى السجون لوقت عوزة

الله يكون فى عونك مش عارفين ايه اللى هيحصلك من الكلمتين اللى فضفضت بيهم همك وهم شباب مصر اللى زهقان زيى

واطمن يابلا احنا معاك

9 التعليقات:

اسراء ..بلال
دى اسماء حركيه
ولد مصرى وبنت مصريه
ايه الحكايه؟؟؟انا برشح ان رعيف العيش اللى ظهر بحد طول غياب واضراب وايام هباب
يضاف له شبه وغرا بنسبه تسمح بها وزاره الصحه طبعا
وبكده نضمن ان مع اول لقمه فى الفطار ان الولد المصرى والبنت المصريه حيخرسوا خالص ..ودى خطه عشان نضمن انهم يباتوا فى بيوتهم
dodda

دودا
شكرا على تعليقك الظريف دا
وهما هيعملوا فى العيش
غير اللى بيعملوه ايه

احلى حاجه انه مبيخفش

انا زيك مسجون مسجون بس سجوني من غير سور انا زيك طير وبطير في الدنيا حر وسجين مش بحلم غير اني اطير واتنفس هواء الحريه
انا زيك وانت زي اتنين في مرار بنعيش وعجبي عليك يا دنيا الفرحه فيك ما بتجيش

اشعار
احمد ابو الحسن

www.aboelhassan.blogspot.com

طول رما فى شباب زى بلال مش بيخاف اكييد لسه فى أمل ان مصر تتحرر من اللى هى فيه

طبعا احلىحاجة انه مابيخفش
يامحمد

استاذ احمد
شكرا على البيتين الجمادين دوب

اكيد ياولاء مصر بخير
بادولادها

اعترض معاك يامواطن
محدش معاك يابلال
يعني لو بلال اتسجن ولا اتقتل حد هيكون معاه
انا بحييك يابلال وكان نفسي اكون مكانك ووالله لو قدامي الفرصه كنت هكون مكانه بس برجع واعترض مصر شبابها بيقول نفسي نفسي ايه اللي عملناه لاسراء شجبنا ونددنا يا عم مواطن البنت ضاعت خرجت من السجن بجسمها بس روحها لسه جوه
كسرو فيها كل معنى للكرامه والانسانيه البنت ماغسلوش مخها هما بس كانو بيزرعلوها حاجه بسيطه اوي اسمها الخوف في كل خليه في جسمها
ياعم مواطن صدقني مافيش حد هيقول لبلال انت فين لو ضربوه بالنار في ميدان عام
على العموم تحياتي

Post a Comment

شوف انت عاوز تقول ايه

Twitter Delicious Facebook Digg Stumbleupon Favorites More