Friday, July 27, 2007

دول عصابة يابا


دوول عصابة يابا
بيشربوا دم الغلابة
ويا كلوا لحم المطحونين
بتقول يامين
أصل دينهم يرضى سيدهم
والغلابة ميرحموش
إياك فى يوم تكشف ورقهم
أويحسوا انك شايفهم
تبئى ليلتك ذى وشك
ويوم عيالك يبقى طين
***
انت مين والا ابن مين
ابن واحد م العصابة
والا شيخ الغلبانين
***
ما انت عارف ان سيدهم اصله بره
بيبيعوا له كل حاجة
وفى كل بيعة بيخدوا حاجة
ما انت شايف كل حاجة
وابقى قول على أى حاجة
***
السجون فى كل ناحية
والقانون بيفصلوه
والمحاكم عسكرية
وف اديهم كل حاجة
والشطارة والامارة
بيحبسوهم من غير أمارة
***
أصل سيدهم بيساعدهم
وبنفوذه بيحمى سوطهم
ولما غار فضلت عصابته
لبسوا توب اولاد بلادنا
وهما أصلا مستعربين
واحنا منهم مستغربين
هما مين واحنا مين
***
هما بيكلوا لحمى ضانى
وبيسكونوا فوق فى العلالى
والركوبه صنع بره
واحنا زيتنا بيقلى فولنا
والمقابر هى بيتنا
والركوبة بتمشى عكسى
لو لقيتها فى يوم ياخويا
***
والعيال ولاد ولادهم
القصور محجوزة ليهم
والوزارة والسفارة تركة أبوهم
والمصانع والاراضى بينهبوهم
والعيال الحلوة ضايعة فى الحوارى
بعد ما خسروا أبوهم
طول حياته شقيان عليهم
مره بره ومره جوه حتى العراق
...... ما خربوها
وكل حاجة حجزنها ليهم
حتى العيال للطحن فينا بيجهزوهم
واوعاك تعارض فى يوم ياخويا
أصل المحاكم عند العساكر
من غيرقانون
حيسجنونا

2 التعليقات:

دى عجبانى اوى
مفهاش بقي غلطة من وجهة نظرى يعنى
ومش هقرفك واقولك فيها جملتين مش متظبطين ولاحاجة هى متظبطة كده على الاخر
يالا ياعم مش هزعلك

هههههههههههههههههه
اوك انا مبزعلش
يابخت من بكانى ولا ضحك الناس عليا

Post a Comment

شوف انت عاوز تقول ايه

Twitter Delicious Facebook Digg Stumbleupon Favorites More