Sunday, July 13, 2008

فاصل من التهييس

سلامو عليكم جميعا

البوست ده بعمله وانا مهيس حبتين فاياريت تعذرونى على تهييسى
شارب؟ لامش شا رب ياخفيف
امال هقولك
كل اللى حنعمله شويه تهيس على ميه بيضه والسكر بره
وخليك كول وشيلك محمول
والله الموضوع حاجه سهله قوى:

هو عباره عن سؤال عبيط وبسيط كده على الماشى

بس قبل السؤال بقى ده الاهم
تسمعوا عن ناس كده مش عارف كان اسمهم بونوكيو
شايفك ايوه شايفك وهتقول ايه البونوكيو ده ؟؟
دول ناس كانو كل ما يكدبوا مناخريهم تطول مش لسانهم اه والنعمه زى مابقولك كده
متستغربش ده كان الحال بتاعهم يعنى

اجى بقى لسؤالى عشان نخلص من الليله دى بسرعه لو حصلنا كده لو كل ما نيجى نكدب مناخرينا تطول شويه
نكدب تانى تطول اكتر
يالهوووووووووووووووووز
ايه ياعم اللى بتقوله ده بقولك تخيل ياعم الامور

بردو انت لسه مش قولت السؤال بتاعك اصبر عليا ده انت فوق الفظيع ياخى
حاجه من الاتنين بقى
يانبطل كدب عشان نخاف على شكلنا ومناخيرنا
صعبه شويا صح
طيب ايه الحاجه التانيه ده انت رغاى قوى
الحاجه التانيه
نرضى بقى بالامر الواقع وتبقى مناخرنا كلها طويله ويبقى شكلنا مسخره
بس متخفش مش هتبقى انت لوحدك ماهو اللى جانبك كده برد
وونيجى نركب مواصلات ازاى بقى وناكل ازاى ولا ولا دى مناخير ياعم
واللى بيركبوا المترو يعملوا ايه ومحدش هيعيرك متخفش ما هو
اللى بيته من ازاز بقى ما يحدفش الناس بالخيار

لو بجد جالك انك تختار هتختار ايه واوعى تكدب لحسن ربنا يستجاب وتلاقى مناخريك عند جارك فى الشقه التانيه

مش قولتلك
تـــهـــيـــيـــس

15 التعليقات:

هههههههههههههههههههههههههههههههههه

أنت كدة مش عاوز مصر يبقي اسمها مصر ... هيبقي أسمها "منخر" لأن كل سكانها هتبقي مناخيرهم قدر مناخير جدك أبو الهول
ههههههههههههههههههههههههههههههههههه

وهيبقي رئيسك ووزرائه مناخيرهم ولا مؤاخظه طول التعابين من كتر كدبهم

هههههههههههههههههههههههههههههههههه

يا محلاه تهييسك يا زعيم

صباح التهييس

عندك حق والله
جمهورية منخر العربيه

وتخيل صح لو كانت الحكايه دىحقيقى الحكومه هتكون عامله ازاى

اشكرك على مرورك يانجم

This comment has been removed by a blog administrator.

هو اللى كتبته مش ظهر ليه؟

خطأ فنى معلش

كنت باقول ان ساعتها هانكون شعوب بتتميز بطول المناخير:)))))))))))))

كمان هايختفى شكل التيشرتات وهانقضيها قمصان بس:)))))

بوست دمه خفيف جدا بجد

ظل الشمس شكرا لمرورك
وعلى رايك مش هنعرف نلبس تيى شيرتات بقا
وهنقضيها كلاسيك

This comment has been removed by a blog administrator.
This comment has been removed by the author.

الموضوع جميل جدا واحسن ما فى الموضوع ان اسم الرئيس يتحول من الرئيس حسنى مبارك الى الرئيس حسنى مناخير انهرده بس عرفت اسمه حسنى مبارك ليه علشان ربانا مبارك فى مناخيره

انا بقا مابحبش
any one دى

بس يلا سيبها عشان الناس اللى معندهاش مدونات تقول ان انا حرمتهم من حاجه بس


ع العموم
شكرا ع المرور يااخ.........

هههههههههه

ههههههههه

ههههههههههههه

أجمل تهييس موزون قرأته فى حياتى

انا سعيدة انى جيت هنا

صباح جميل عليك


تحياتى

هو انت ماتعرفش بينوكيو؟؟
بينوكيوووو؟؟؟
ده كرتووووون فظيع كدة وجميل الولد كان من خشب و كل ما يكدب مناخيره تطوووول
لا ازعل لو ماتعرفهوش
ابعتلك السي دي بتاعه طيب؟؟
يلا ادخل نزله من على النت لو لقيته يعني اسمه pinocchio

يعني الموضوع مش شعب ولا حاجة
دي الاسطورة بتاعت الولد الخشبي "بينوكيو"

عايزنا كل ما نكدب مناخيرنا تطول؟؟
ممممممممممم ... وهتجيلنا الجنية الزرقاء تساعدنا طيب زي بينوكيو؟؟

ماتعرفش كارتون بينوكيوووو؟؟؟ ازااااي؟؟؟؟؟

خلاص هعرفوا هعرفوا
اتحكالى عنه
على فكرهه
بس مش دى المشكله
المشكله فى السؤال

فين الاجابه

مفيش حد جاوب عليه لغاية دلوقتى

الحمد لله ان مرض بنوكيو ده خلص من البلد
و الا كان الواحد مننا ياجر شقة قصاد شقته لمنخيره


اوروفوار

على رايك
والشقق بقا تولع ناااااااااااار

ميرسى على مرورك

Post a Comment

شوف انت عاوز تقول ايه

Twitter Delicious Facebook Digg Stumbleupon Favorites More