Wednesday, July 9, 2008

قهوة البصريين

والله أنا مش عارف للأسف ايه المتعه فى قعده القهوه اللى بيسموها دلوقتى ( كافى شوب )
تلاقى كميه كافيهات بطريقه غريبه وكلها بيفصل بينها مسافات قليله جدا وبضع امتار
واحيانا مفيش مسافه اصلا وكلها للاسف مليانه
** طيب يمكن يكون كرسى القهوه مريح اكتر من اى كرسى تانى **
طيب ما تشترى كرسى زيه وتقعد عليه فى البيت ولا على البحر ولا فى اى حته
****يمكن علشان الشاى والقهوه **
الحمد لله علب الشاى والقهوه متوفره جدا فى المحلات وعلى الاقل حتضمن ان الشاى يكون نظيف والبراد كمان
مش زى براد القهوه اللى طلعت روحه من كتر الغليه **
ده حتى البراد بيكون لونه اسود من كتر الهباب اللى عليه ***
طيب يمكن علشان منظر العربيات اللى رايحه وجايه ممتع *****
طيب ما تقف فى البلوكنه مفيش عربيات بتعدى من عندكم طيب اقف فى الشارع شويه وخلاص ***
انا مش شايف اى متعه فى القهوه ديه خالص
زمان كانوا اصحاب المعاشات هم اكتر ناس بتروح القهوه دلوقتى تلاقى الشباب **
لكن شباب ايه دول عيال صغيره فى سن ممكن 11 سنة أو أكثر شوية ***
لا وايه كل واحد منهم ماسك شيشه وبتمنظر بيها كأنه عنتر شال سيفه ،
يخلص الشيشة من هنا ويقوم ماسك السيجارة ويقعد ينفخ فى الهواء
ليه كل دا
ربنا يحمى شباب هذه الأمة ويهديهم الى أنفسهم ويشغل وقت فراغهم بكل ماهو مفيد أو نافع

32 التعليقات:

سلامووو عليكوووو

المقاهي بقت اكتر من الهم علي القلب
و الأسباب كتيرة ومعروفة
بس العجيب بجد هو إتجاه صغار السن إليها و إهمال مراكز الكميوتر و ملاعب الكرة اللي كانوا مهبولين بيها و السبب عايز دراسة جيدة

سلامي ليك
ولو عايز مني حاجة هتلاقيني قاعد علي القهوة اللي جنب الكافتيريا اللي في الشارع اللي علي نصيته كوفي شوب

هه ^_^ هه ^_^ هه ^_^

سلام

خلاص كدا
انا عرفت انت فين
وجايلك جرى
شكرا لمرورك حزوم

لو الشباب كان لاقي شغل أو حتي أماكن نظيفه لممارسه الانشطه ما كنتش ها تلاقي حد علي القهاوى

ياعم الاماكن كتيره لممارسة
الانشطه
بس احنا ندور عليها
ومتقلش كلمة نظيفه دى
عشان الموجود والنظيف كتير قوى

قاعده القهوه دي بتدل علي الفراغ
فراغ العقل والقلب والوقت
يعني ماهو زي مانت بتقول كل حاجه ف البيت بس برضه القهوده احسن عشان بعيد عن عيون الحكومه اللي ف البيت سواء بقي الام او الزوجه وكمان المشاريب اللي بيندع فيها فلوس بتكون احلي من المشاريب البلوشي
يبقي الحل : اما نلغي القهاوي .. او ندفع الراجل تمن المشاريب ف البيت برضه
ايه رأيك
علا بركات

حبيبي

سوري لتأخيري كل ده وانت عارف السبب وأوعى حد يعرف السبب غيرك أنا ليا صديق غالي اوى منهم ياريس
ههههههههههههههههههههههههههههههههههه

حلو الحوار الغامض ده
ندخل ع البوست ... بص يا سيدي انا بعتبر الكافى شوب هي منفس شباب مش لاقية اى حاجة تعملها ... يعني مجرد تنفيس في تنفيس ... ما هم لو ولا مؤاخذة منفسوش عالقهاوى هينفسوا فين!!!

هههههههههههههههههههههههههههههههههه
سلام يا زومل

للأسف ...

واقع مؤلم نتمنى زواله قريبا

جزيتم خيرا

الاستاذه علا
بجد المدونه نوررت بوجودك

ع العموم هو حلو الحل التانى بتاع دفع الراجل تمن الشى
بس بالنسبه للعيال
عندهم القهوه دى رسم فقط

نو كومنت ع الحوار الغامض
بعد كدا
اماكن التنفيس كتيره ياعم
والله بس احنا ندور

وجزاكم ياساره
وان شاء الله هيزول

بس سبس
بلاش كلام عن القهاوى
انا كنت بذاكر على القهاوى اصلا وفى الشارع

عمرى ما اقدر اذاكر فى البيت
تحية
واد غلبان

ههههههههه
حلوه مذاكرة القهوه والشارع دى
بس عاوزين نشوف
نتيجتها ايه
وليك عليا اجربها على طول
دا بقا لو نتيجتها مية مية

فراغ

ناس فاضيه مورهاش حاجه

تقولك تعالى نعد فى الهوا شويه نلعبلنا عشرتين طاوله

هو مكان مكان ترفيهى

بس انا فعلا لفت نظرى ان كبار السن كانوا اكتر ناس بتعد ع القهاوى

دلوقتى تلاقى شباب صغير فى السن

يعنى مثلا مش قادر يقوم يتمشى ؟
عجزوا بدرى وبقوا عايزين يعدوا وخلاص

بس فى سبب كمان
اوقات عشان الكوره

بيحبوا يتفرجوا ع الماتش فى اللمه
فى الهوا
ويشربوا حاجه
واهى تبقى نزهه وفرجه

معرفش بس اكيد ليهم وجهة نظر فى كدا

أحمد

مش جايز عشان اللمه والصحاب
او خروجا من جو البيت اولزهق والملل
بس مش لازم شيشه يعنى وسجاير
ممكن تكون قعده نضيفه يعنى
ههههههههه
طيب ده انا زعلانه انى مش بعرف اعقد فى كافى شوب هنا فى البلد مفيش للبنات


تحياتى لك

امل
صح ممكن يتفرجوا ع الماتشات
بس الماتشات
مش بتكون كل يوم

والنزهه ايه دى اللى بتكون قعده وخلاص
النزهه لازم الواحد يمشى ويلف ويشوف الدنيا
مش قاعد يتنزه على عشره طاوله

هوه فى قعده نظيفه على قهوه
ميغركيش المنظر

ماانت لو مشربتش حاجه
اللى حواليك بيشربوا
وهوه هوه الضرر
مش فارقه

انت قلت المفيد فى الاخر..هى فكرة الفراغ و التجديد و الناس زهقت من الاعدة فى البيت و البالكونة و مش لاقيين حاجة يعملوها و حاسين بالفشل فبيدوروا على ناس زيهم و يلاقوهم فين غير عالقهوة...دا فى ناس مدمنة اصلااااااا القهاوى دى
بس موضوع مهم
تحياتى

بعد السلام عليكم

أولا الف حمد الله علي سلامتك بمناسبة عودتك للتدوين من تانى

وأنك عديت من معارك الثانوية العامة علي خير أن شاء الله

وعودا حميدا يا أبو حميد
وكنا مفتقدينك فعلا

بمناسبة البوست
مش عايز اقولك ان كمان الموضوع اتطور لدرجة ان بقت الناس اللى بتفكر تفتح مشروع جديد تروح مفكره في انها تفتح قهوة
مكسب مضمون
والزبون كمان مضمون
ههههههههههه

يالا اهوه كله نتاج الفراغ

تحياتي

حمد الله على سلامتك
العود احمد يا احمد
ياسيدى سيب الناس تقعد فى القهاوى تنم وتجيب فى سيرة الناس وتشد نفسين شيشة وترفه عن نفسها
الفراغ وحش يا احمد
تحياتى

لا شغل ولا مشغله مفيش بديل غيبر القهوه وخصوصا انى اشتراك النوادى بيوصل 100 الف ده لو اتوجدت احنا فى بلدنا مفيش نوادى اصلا فالبديل الوحيد القهوه
وعندك نسكافيه بلاك سكر زياده لو سمحت

دينا
شكرا لمرورك الجميل دا

وفعلا الناس بتهرب عشان تلاقى ناس زهقانه زيه وتهيص سوا

ع العموم
انا فعلا صحيت م الكابوس
وشكرا ليك
وان شاء الله ماابعدش تانى ياابوصلاح
وعلى رايك على راس مشروعات اليومين دول
القهاوى

ايوه جاااااااااااى

النسكافيه موجود ياباشا
ع الفرازه

شكرا ياباشا
على مرورك الجميل دا

عووووووووووووووووووووو
انا جيت اتخديت
.........................
اخاااااااااااااف مين ياعم دة انا الى بخوف
............................
اييييييييييييية يااااااااعم الكلام الجامد دة
...........................
عندك حق فى رايك على الكافى شوب او القهوة مش هتفرق...
بس ميمنعش الواحد يرو ح من لسنة لسنة ....اهو تغيرررررررررررررررر وخلاص
........................
وعلى فكرة دمااااااااااغ جامدة موووووووووووت
..وكان واضحح فى ردك على التاج...
............................
احب الناااااااااس الى عقله كبيررررررررررر
كدة
...................
ابسط بقى
........................
هاجى كل شوية اخدك...واجرررررررررررررررى
..............................
دومت فى حفظ الرحمن
...................
عووووووووووووووووووووووووو

ايه دا
براحه علينا شويه
ع العموم ماشى كلامك

وربنا يخليك ع الكلمتين الحلوين دول

بجد كلامك جميل ودعوة جميلة من حضرتك لمحبى القهوة
وبجد مش عارفة ايه لازمتها والستات مراتاتهم تشتكى ويضيعوا فلوسهم
ربنا المعين
الف تحيه

الف شكرا لحضرتك ع المرور الجميل دا

عووووووووووووووووووووو انا جيت تانى اتخديت تانى
...............................
اييييييييييية دا خفت بجد
..........................
طب كويس
ههههههههههههههههههههه
عوووووووووووووووووووووووو

يامااااااااامى
بجد انا كنت مكتئب جيتى خلتينى اضحك
وانتظرونى مع فاصل من التهييس

امممممممممم مش عارفه هى بقت كتير وبقى مستواها قليل قوى اى كلام يعنى بعيد عنك
بس فيه اماكن شيك وبعدين رزق الهبل على المجانين هتعمل ايه يعنى

احسن تعبير
ياه بجد رزق الهبل ع المجانين
ميرسى ليكى ع المرور

تم ذكر هذا البوست في تقرير صغير عن المدونات
وهذا التقرير عبارة عن اجتهاد شخصي
http://sara-out-of-the-blue.blogspot.com/2008/08/blog-post_31.html
تحياتي

Post a Comment

شوف انت عاوز تقول ايه

Twitter Delicious Facebook Digg Stumbleupon Favorites More