انا اسف جدا على التاخير اللى حصل دا
بس اعذرونى
انا كنت فى معسكر فى اسكندرية فى المدينة
لشبابية اللى فى ابوقير فى تدريب
على اعمال الجلسة البرلمانية وقيادتها
اصل انا برلماانى
مهما تكون فاكر نفسك خبير فى المرأة يؤسفنى اقولك لازم تتعلم وتتعلم لان
من المؤكد ان مفيش خبراء ممكن اعتمادهم او الاخذ بهم فى المجال ده خالص
وصعب جدا تاخد دكتوراه فى علوم البنات والستات جرب احسن تذاكر طاقة ذرية
يعنى تقعد مع الشاب من دول
يقولك ياعم انا عارف الستات دول عايزين ايه...اسالنى انا
وواحد تانى يقولك انا فاهم دماغ البنات بتفكر ازاى
تعالوا بقا نعرف الحاجات اللى الرجالة فاكرين الستات
بيفكروا فيها وهى بعيدة عن الحقيقة
اول حاجة كل الرجالة فاكرة ان اللزقة للمرايه بتعجبها وانها بتحب الراجل اللى دايما تحت -
عنيها وعمره مايروح بعيد ابدا ولكن ده مش معلومة صحيحة على طول
الخط لان احيانا لزقة الراجل للست تبقى خنقة ورخامة وتضيع وقت كمان
-من كتر الستات مااشتكوا فى الافلام والمسلسلات من ان الرجل
رامى عليها شغل البيت كله الرجالة افتكروا ان مساعدة الست فى البيت هيخليها
سعيدة
لكن برده مش صحيح طول الوقت لان ساعات بيدخل ويقلب الدنيا ويبوظها بناصحته
-الصراحة برده الرجالة فاهمينها غلط يعنى كلهم فاكرين
ان الصراحة تساوى البجاحة
يعنى لو مراته سالته
ملكة الجمال احسن منى يقولها طبعا دى ملكة جمال العالم كله
وهنا بقى سلملى على الصضراحة وابقى قابلنى لو الشفافية نفعتك
-الاصرار على دفع الحساب مش هاتقول ان المراة مش دايما عايزة الراجل يدفع الحساب
بس فى بعض الاوقات وخصوصا فى فترة التعارف تبقى عايزة تبين انها مش فقيرة وهوة ماشترهاش بفلوسه
ويعمل فيها عنتر وتبقى عايز تدفع الحساب وكل ماالراجل يصر على الدفع هى ممكن تسترخمه
-المداعبة والمغازلة دائما برضه مش هاقولك ان المراه مش عايزة راجل يغازلها دايما
لكن تخيل كده ان البنت تبقى راجعة من امتنحان ماجستير وواخده كلمتين فى جنابها وتيجى
سعادتك وتقولها بموت فى عنيكى وانت فاكر ان كدا هايهون عليها.بالعكس للاسف هوة الصحيح انها
ممكن تطلع فيك
-الستات بتحب هزار الرجالة برضه فاكرين ان البنت نفسها تسخسخ
دايما طول ماهى قاعدة من الضحك والهزار فاكرين ان الست بتمووت فى الراجل
الفكهى اللى قالبها مسخرة وتريقة وافيهات لكن احذر ياصديقى
احيانا المراه تحب ان ترى فارس احلامها رجلا جادا
وحازما فى اموةر كثيرة ولاتحب وقتها ان ترى دمك خفيف
17 التعليقات:
طب و تاعب نفسك مع المرأة لية سيبها و هي هتيجي لوحدها
على رأي شمس
فعلاً سيبها هتحبك يا قلبي .. حبها تسيبك
لما الشوق بيدوبها زي النسمة تفوت .. وأما اللي بتشتقله يسيبها من أحزانها تموت
أيمن بهجت وهشام عباس
مع أطيب تمنياتي بالتوفيق في دكتوارة "نساء ورجال" دي
تحياتي
بقى كده ياحمد بعد الغيبه دى تيجى تقول كده
يعنى قصدك ان احنا مش بيعجبنا العجب
لاء ظالمنا
كده برضه
ده انتوا بقى اللى الواحده مش عارفه تعمل معاكوا ايه؟
هههههههههههههه
خاف على نفسك يابنى بلاش النصايح اللى فى المواضيع دى اللى هيجرب وهياخد فوق دماغه
هيقول انت السبب وهيدعى عليك
خلى بالك
سلام الله عليك يا زهقان
ههههههه رائع بجد يا مواطن
و اتفق معاك
و على فكره اتفق معاك انا
بس مش كل البنات زيي
يعني ممكن تلاقي انقلاب عندك الوقت
ههه
تحياتي
.
زيــزي
محاولة اخرى للفهم
تعجب المرأة بالرجل الذكي
الذي يعرف متى يتكلم فيشغل العقل..و متي يصمت..فيكفيها شر اللت والعجن
متى يقدم المساعدة وقت الإحتياج دون سيطرة..ومتى يتنحى جانبا ناظرا لها بإعجاب وهي تشق طريقها في الحياة بنجاح
لا تفكر كثيرا في نظريات حول المرأة..حتى لا تصبح مثل الفيلسوف الذي ظل ينظر عن البرتقال حتى يفسد..بدلا من اكلها والإستمتاع بها.....
المراه ذات نفسها ياخي مش عارفة نفسها
ربنا اللي خلقها كدا
وبجد دة اللي بيميزها
وكمان علي فكرة مش المفروض يبقي صريح معاها في موضوع الجمال
لان بيقولك الكدب مصرح في انك تصلح بين زوجين
او لو هتخرب بيت فا تتضطر تكدب
او تسئلك مراتك انا حلوة تقولها انت احلي واحدة في العالم
دة كدب مش علية ذنوب
فا ميصحش يقولها ملكة جمال العالم احلي
المفروض في عينة تبقي احلي الناس
يلا انت يابني لسة صغير بكرة لما تعيش ياما هتشوف
سلام
المراه سر لن يعرفه احد
واذا كشفه يبقى خدعه هى قامت بيها
تحياتى
برافو كويس هديلك ماجستير عبال الدكتوراه
الموضوع مش صعب ان الرجل يفهم الست بس ساعات القولبة يعني لما يتقال الستات كلها كده
هي اللي بتعمل مشاكل
الواحد يشغل دماغه ويحاول يفهم اللي قدامه هيفهمه احنا مش لغز
لا دا انت راجع بعد الغيبة دي..ومعاك كم هااائل من المعلومات السرية الموثقة عن المرأة
:)
كلامك في جوانب كتير صح على فكرة..وان كان الحب حالة كيميائية خاصة لم يعرف احد ابدا معادلاتها ولا تركيبها الدقيق
هي بتيجي كدا وخلاص بقى
تحياتي
ما احنا متفقين
ان اغلبيتنا بيستسهلوا
موضوع القولبة
والرجالة الناحية دي وصفاتهم كذا وكذا وكذا
والستات الناحية دي وصفاتهم كذا وكذا وكذا
ما حدش بيحاول يفكر
ان كل انسان ممكن يبقى له طريقة تفكيره الخاصة
وان اللي يعجب دا
دا مستحيل يتصوره
سواء بنت زي بنت او ولد زي ولد
وموضوع الحب فعلا
حاجة كدا مالهاش علاقة باي قوانين ولا خبرات
لان ممكن تلاقي نفسك بتحب واحدة
بعيدة جدا عن اغلب المواصفات اللي انت كنت راسمها في دماغك
وكذلك البنت
ممكن تحب واحد
لو حلفوا لها بكل الايمان
انها هاتحبه مستحيل تصدق
الموضوع اصلا
مالوش قواعد ثابته
كل حالة بتنشئ قواعدها الخاصة بيها
اقول اللي انا عاوزة واما اخفش
يعني يا مواطن يا زهقان
اول ما ربنا يفك زهقك
تطلعة علينا ماشي
المسامح كريم
هي هزار بس فيها حتت عالية قوي يسلم قلم سيادتكم من كل سوء ومن صور العساكر اللي فوق
ان النساء ثعابين خلقن لنا
و اعوذ باللة من لدغ الثعابين
حلوة قوي مدونتك
بجد تحفة
ابقي تعالي وزرني في مدونتي
سلاااااااااااااام
متشكر جدا ياجماعة
على مروركم
الكريم سعدت بوجودكم
من الاّ خر الموضوع محتاج سنس
و حساسيه في التعامل من الطرفين
و علي رأي المثل لكل مقام مقال
اولا انا عايزه اعرف انت ليه مهتم قوى بانك تعرف طبيعة المرأةعلى فكره كل مرأة ليها طبيعة خاصة بيها بس
على فكره اهنيك على البوست لانك قربت قوى من طبيعة المرأة شوفت انا امرأة موضوعيه
طيب كويس ان انا طلعت بفهم فى المراه
Post a Comment
شوف انت عاوز تقول ايه